Khasaare ka dhashay iska hor imaad ka dhacay Garowe
![](http://www.puntlandes.com/wp-content/uploads/2023/11/53.png)
07 Nov 2023 (Puntlandes.com) Magaalada Garowe ayaa waxaa ka dhacay iska hor imaad kooban oo duhurnimadii maanta ka dhacay bartamaha magaaladaas.
Wararka ayaa sheegaya in is rasaasayntu dhexmartay ciidamo ka tirsan dowladda Puntland iyo kuwa taabacsan dhinaca mucaaridka.
Wararka ayaa intaas ku daraya in ciidamada dowladda oo gelbinaya nin Youtuber ah lagu weeraray barxadda Garowe.
Inta la xaqiijiyay hal qof oo rayid ah ayaa ku geeriyooday is-rasaasaynta halka ay ku dhaawacmeen saddex kale oo uu ku jiro askari ka tirsan ciidanka dowladda.
Weli ma cadda waxa iska hor-imaadka sababay isla markaana kama hadlin laamaha Amniga dowladda Puntland.
Dhinaca kale ciidamada mucaaridka ayaa hoobiye ku tuuray afaafka hore ee xarunta madaxtooyada inkastoo aan la sheegin wax khasaare ah oo ka dhashay.