Firdhiye oo saxiixay Xeer dambiile ka dhigaya madaxweyne kuxigeenka, wasiirada, Xildhibaanada, … dawladda Puntland ee kasoo jeeda SSC
10 Nov 2024 (Puntlandes.com) Hoggaamiyaha maamulka SSC-Khaatumo Cabdiqaadir Axmed Aw-Cali ayaa qalinka ku duugay Sharciga Ciqaabta Horgallada, kaas oo denbiile u aqoonsanaya cid walba oo reer SSC-Khaatumo ah oo isku dayda in ay la timaado qaddiyad aan waafaqsanayn qodobadii 6-dii February 2023dii.
Sharcigaan ayaa qabanaya oo dambiilayaal u aqoonsanaya madaxweyne kuxigeenka dawladda Puntland, wasiiradda, Xildhibaanada, Ciidan iyo shaqaalaha kasoo jeeda deegaanada SSC-Khaatumo oo ka tirsan ama qaybta ka ah Puntland.
“Hoggaamiyaha ayaa xusay in sharcigan yahay mid ka hortagaya khataraha jiritaan ee liddiga ku ah Maamulka SSC-Khaatumo, sidoo kale xeerkan ayaa denbiile u aqoonsanaya cid walba oo reer SSC-Khaatumo ah oo isku dayda in ay la timaado qaddiyad aan waafaqsanayn qodobadii 6-dii February iyo dhammaan mabaadi’dii halgan ee shacabka SSC-Khaatumo naf iyo maalba u hureen muddada dheer.” Qoraalka Xafiiska Firdhiye
About The Author
