Madaxweyne Deni oo u hambalyeeyay madaxweynaha la doortay ee Jubaland
25 Nov 2024 (Puntlandes.com) Madaxweynaha dawladda Puntland Siciid Cabdulaahi Deni ayaa u hambalyeeyay madaxweynaha la doortay ee Jubaland Axmed Maxamed Islaam.
“Waxaan u hambalyeeynaynaa Madaxweynaha la doortay ee Jubaland Mudane Axmed Maxamed Islaam, Guddoonka Baarlamaanka iyo Xildhibaanada Baarlamaanka Jubaland, waxaan Allaah uga baryayaa in uu u fududeeyo masuuliyadda loo igmaday.
Jubaland waxaan u rajeynaynaa nabad iyo horumar, waxaana ugu baaqaynaa Dowladda Jubaland iyo Shacabkaba in la illaaliyo oo laga wada shaqeeyo amniga iyo xasilloonida Jubaland, wixii kala aragti duwanaansho ahna in lagu xaliyo wadahadal.” Madaxweynaha Dowladda Puntland Mudane Siciid Cabdullaahi Deni.
About The Author
