Axmed Karaash “Ciidankeenu waa ku filan yahay inuu soo afjaro Argagixisada Insha’allaah”
11 Jan 2025 (Puntlandes.com) Madaxweyne kuxigeenkii hore Puntland Axmed Cilmi Cismaan (Axmed Karaash” ayaa qoraal ku bogaadiyey uguna hambalyeeyey Ciidamada Puntland ee guulaha waaweyn kasoo hoyey sifenta iyo ciribtirka Argagaxisada ku dhuumaalaysanaysay buuralayda Cal-miskaad ee gobolka Bari.
Hoos ka akhriso qoraalka Axmed Karaash:
Waxaan ku boggaadinayaa Ciidanka Dowladda Puntland guulaha isdaba jooga ah ee ay ka gaareen Hawlgalka Ciribtirka Argagixisada (Hillaac) ee ka socda buuralayda Cal-miskaad ee Gobolka Bari, halkaasi oo Ciidankeenna geesiyaasha ah ay Ka sifeynayaan Argagixisada Daacish.
Ciidamada Puntland waxay ku suntanyihiin, in ay mar walbo jebiyaan awoodkasta oo argagixiso oo Puntland soo haweysata, waa taariikh lagu yaqaano Puntland, waan ugu hambalyeeyn Ciidanka in ay talisyadii argagixisada gubeen oo ay godadkoodii ugu galeen, Ciidankeenu wa ku filanyahay inuu soo afjaro Argagixisada Insha’allaah waana rajeynaynaa in dhowaan hawlgalku uu guul inoogu soo dhammaado.
Waxaan shacabweynaha Puntland ugu baaqaya sidii lagu yaqaanay inay si buuxda u garab istaagaan Ciidanka, Puntland Dowlad iyo shacaba isku duubni ayaa inoo ballan ah.
Guul Insha’allaah.
About The Author
