Akhriso Qoraal uu ka qoray Radio Muqdisho RW Sharmarke & dawladda Puntland
28 Nov 2015 (Puntlandes) Radio Muqdisho oo sheegta inuu ku hadlo afka ummadda Soomaaliyeed ayna tahay oinuu u dhaxeeyo ummadda Soomaaliyeed ayaa Website-kiisa www.radiomuqdisho.net, waxaa lagu soo qoray Qoraal dheer oo laga dhigauy in War-saxaafadeed uu soo saaray C/kariim Xuseen Guuleed oo ah Horjoogaha maamulka aan Dastuurka Waafaqsanayn ee ay DFS taageerto ee Galmudug.
Qoraalka ayaa lagu dhaliilay Raysul Wasaaraha aan la hayn wax awooda ee ay awoodiisii Dastuuriga ahyd ay iska marooqsatay Kooxda DAMUL JADIID ee geed dheer iyo mid gaabanba u fuushay sidii ay Colaad uga ridi lahayd Gobolka Mudug ee Puntland, waxaana qoraalka lugu yiri:
Madaxweynuhu wuxuu intaa ku daray in qorshuhu uu ahaa in R/wasaaruhu uu maamulka Garoowe ku soo qanciyo qodobadii ay isku afgarteen isaga iyo R/wasaaraha, magaalada Gaalkacyana la dhigo gogol wada xaajood oo looga arrinsanayo dhibka dhacay balse aysan taa dhicin oo Galmudug ay saakay ka warsheshay duullaan qaawan oo Puntilanda ay ku soo qaaday iyo R/wasaarihii oo dib Muqdisho ugu laabtay. Madaxweynaha ayaa wax lalayaabo ku tilmaamay sida xushmo darrada ah ee Puntiland ay ula dhaqantay R/wasaare Cumar C/rashiid.
Waxaa Qoraalkan lagu soo qoray Radio Muqdisho Website-kiisa si cad C/kariim ugu sheegayaa in Raysul Wasaaraha la amray dabadeedna uusan fulin Amarkii ,,,,,,, CAJIIB war DAMUL JADIID ma saaneey dawladnimo moodeen.
Dhanka kale Waxaa Radio Muqdisho ugu yeerayaa Dawladda Puntland “maamulka Garoowe” CAJIIB halka ay midka aan Sharciyada haysan ee Galmudug ugu yeerayaan “Dowlad Goboleedka Soomaaliyeed ee Galmudug”
Qoraalakaga waxaanu kusoo gabagabynaynaa DAMUL JADIID & Shaqaalahooda “maxay dawladnimo ka raad gateen”
Hoos ka akhriso Qoraalka lagu soo Qoray Website-ka Radio Muqdisho ee lagu maamulo Dhaqaalihii ummadda Soomaaliyeed ka dhexeeyey ayna ahyd inuu u dhexeeyo ummadda Soomaaliyeed.
Madaxweynaha Galmudug oo ka hadlay xiisadda ka aloosan magaalada Gaalkacyo
Madaxweynaha Dowlad Goboleedka Soomaaliyeed ee Galmudug, Mudane Cabdikarin Xuseen Guuleed, ayaa shir jaraa’id oo uu ku qabtay magaalada Cadaado, waxa uu uga hadlay dagaallada dib uga qarxay magaalada Gaalkacyo, isaga oo sheegay in ay ciidamada Puntiland saakay aroornimadii duullaan ku soo qaadeen fariismo ay ciidamada Galmudug ku sugnaayeen.
Madaxweynaha oo hadalkiisa sii wata ayaa intaa raaciyay in uu aad uga xunyahay waxa dhacay, uuna ku baaqayo in si degdeg ah loo joojiyo dagaalka. Madaxweyne C/kariin ayaa sidoo kale sheegay in Galmudug ay horay ugu hoggaansantay, una dhaqangalisay dhankeeda qodobbadii ay odayaashu soo bandhigeen oo kala ahaa:
1) Xabbad-joojin
2) Ku-celinta ciidamada barahoodii hore iyo
3) Ka wada hadlidda wixii keenay dagaalka
Waxaase nasiib darro ah in Puntiland ay ku gacan seyrtay dadaalladii ay duqeydu wadeen, waanwaantii nabadeedna ay ku baddashay guluf colaadeed.
Dhanka kale Madaxweynaha ayaa tilmaamay in kulankii ay shalay magaalada Cadaado ku yeeshen isaga iyo R/wasaare Cumar C/rashiid ay isku afgarteen in la dajiyo xiisadda taagan, islamarahaantaana ay Galmudug aqbashay in si shuruud la’aan loo kala qaado ciidamada is hor fadhiya, islamar-ahaantaana miiska wadahadalka la isugu yimaado.
Madaxweynuhu wuxuu intaa ku daray in qorshuhu uu ahaa in R/wasaaruhu uu maamulka Garoowe ku soo qanciyo qodobadii ay isku afgarteen isaga iyo R/wasaaraha, magaalada Gaalkacyana la dhigo gogol wada xaajood oo looga arrinsanayo dhibka dhacay balse aysan taa dhicin oo Galmudug ay saakay ka warsheshay duullaan qaawan oo Puntilanda ay ku soo qaaday iyo R/wasaarihii oo dib Muqdisho ugu laabtay. Madaxweynaha ayaa wax lalayaabo ku tilmaamay sida xushmo darrada ah ee Puntiland ay ula dhaqantay R/wasaare Cumar C/rashiid.
Madaxwynaha ayaa ugu danbeyntii ku baaqay in si deg-deg ah loo joojiyo colaadda ka aloolsan Gaalkacyo, kana codsaday dawladda federaalka iyo bulshada caalmkaba in ay qaataan dawrkooda ku aaddan nabadeynta.
Xigasho:http://www.radiomuqdisho.net/
About The Author
