Xal laga gaaray: Yaasiin Muuse Boqor oo Isbaaro dhigtay Wadada Garoonka Bosaso & dad lagu Afduudbay Qardho!!
7 May 2016 (Puntlandes) Warbaahinta Puntlandes ayaa ogaatay in saaka uu Yaasiin Muuse Boqor Isbaaro Dhigtay Wadada aada Airport Boosaaso, kadib markii uu ku gooyey wadadaas Baabuur iyo Cagaf-Cagafyo.
Yaasiin Muuse Boqor ayaa ka Carooday kaddib markii uu ku guulaysan waayey Tartan ay ganacsato reer Puntland ah u galeen Qandaraasyo ay dawladda Puntland bixinaysay.
Ganacsade Yaasiin saaka Baabuur ku gooyey wadada aada Garoonka Diyaardaha ee Bosaso, kadibna dawlada Puntland ayaa ku wargelisay Yaasiin haddii uusan ka qaadin Wadada Gaadiidka uu ku gooyey in ay dawladu kala wareegi intaas ka dibna Ganacsade Yaasiin waa uu ka qaaday Gaadiidkii uu ku gooyey wadada.
Warbaahinta Puntlandes ayaa waxay kaloo ogaatay inay tahay wax aan waxba ka jirin wararka lagu baahiyey Baraha Bulshada ee lagu sheegay inuu Ganacsade Yaasiin Isbaaro ku dhigay Ciidan iyo Tekniko.
Waxaa xusid mudan in ay maamulaan Qandaraas bixinta Guddi madax banaan oo Tartan sameeya Shirkadii ku guulaysatana siiya Qandaraaska iyagoo siinaya Cidii Buuxisa Sharuudaha.
Dhanka kale waxaa saaka lagu afduubtay nawaaxiga magaalada Qardho dad Shacab ah oo Gaari ku safrayey kuwaas oo tiradoodu gaayasay 8 qof.
Dadkaas ayaa sida ay ogaatay Warbaahinta Puntlandes waxaa Afduubkooda ka dambaysay Hooyo dhashay wiil horay nin u filay oo saaka lagu fuliyey Qisaas.
Hooyada wiilka dhashay ayaa doonaysay inay Mag laga qaato laakiin aan la dilin wiilkeeda.
Dadaal ay sameyeen Waxgaradka magaalada Qardho waxay ku guulaysteen inay soo daayaan dadkii la Afduubtay oo bed qaba, iyagoo gaaray magaalada Bosaso oo ay markii hore ku socdeen.
Puntlandes.com
About The Author
