Sawiro: Arday ka qalin Jaamacadda PSU Faraceeda Gaalkacyo

13 May 2016 (Puntlandes) Waxaa maanta Munaasabada qalin jabin ah lagu qabtay Magaalada Gaalkacyo gaar ahaana hoolka GECPD kaas oo ay ku qalin jabinayeen dufacii labaad ee ka baxda Jaamacadda puntland State Universaty qaybteeda Gaalkacyo.

Mudaanasabada qalin jabinta waxaa kasoo qaybgalay Gudoomiyaha Gobolka Mudug , Gudoomiyaha Waxbarashada Gobolka, Wasiirkii hore ee haweenka Puntland, Xildhibaano ka socday Golaha deegaanka ee degmada gaalkacyo iyo marti sharaf u badnaa arday iyo waalidiin.

35 arday ayaa qalin jabisay kuwaas oo ka baxay kuuliyadaha kala ah:-

1.Degree of education
2.Degree of development study
3.Degree of business adminstration and economics.

Ugu horayn Xaflada ayaa waxa akhudbad ka jeediyay Maamulaha Jaamacadda PSU qaybteeda Gaalkacyo Faarax Caabi Samatar, isagoona sheegay in jaamacdu ay dadaal xoogan ugu jirto soo saarista arday anfacda bulshada, waxanaa intaas uu raaciyay in Jaamacadda PSU ay hayso fursado muhim u ah Ardayda Soomaaliyeed.

Burhaan Aadan Cumar oo ah Gudoomiye Kuxgeenka Jaamacadda PSU xarunta wayn ee Garoowe ayaa dhankiisa sheegay inuu ku faraxsan yahay in sanadkii labaad uu kasoo qaybgalo dufcada labaad ee ka qalin jabinaysa Jaamacadda PSU qaybta gaalkacyo, waxaana uu hambalyo iyo bogaadin u diray dhammaan ardaydii maanta qalin jabinaysay.

Prof. Maxamed faarax Cawsay oo ka mid ah barayaasha jaamacadda ayaa sheegay in ardayda ay kula dadaalayaan sidii aqoontooda ay u tayayn lahaayeen, waxaana uu sheegay in maanta farxad gooni ah ay u tahay 4 sano ka dib ardayda maanta qalin jabinaysa kuwaas oo dadaal xoogan soo sameeyay.

Gudoomiyaha Waxbarashada Gobolka Mudug Bashiir Axmed khalaf ayaa sheegay in uu soo dhawaynayo dadaalka Jaamacadda PSU,waxaana uu sheegay in dhambaal hambalyo uu u dirayo ardayda maanta qalin jabinaysa, isagoona kuwa kalena ugu baaqay inay waxbarashada ku dadaalaan.

Gudoomiyaha Gobolka Mudug Xasan Maxamed kahliif ayaa hadal kooban uunjeediyay dhankiisa u mahad celiyay ardayda iyo macalimiinta PSU, waxaana uu sheegay in Maamulka Gobolka Mudug ay bogaadinayaan tallaabooyinka dhalinyarada mustqbalka ay wax ku barayaan taas oo dalka u horseedi karta Dawladnimo Rasmi ah.

Ugu dambayntii Marwo Caasho Geele diiriye ayaa jeedisay khudbadii gabogabada, waxaana ay u hambalyaysay ardaydii maanta qalin jabisay, iyadoona sheegtay in muhiimad gaara ay leedahay shaqo abuurka dhalinyarada waxbaratay.

Ardaydii kaalmaha hore galay ayaa intaas kadib la gudoonsiiyay shahaadooyin iyo abaalmarino loogu talo galay, waxaana xafladii qalin jabinta ay kusoo dhamaatay jawi degan.