Sawirro: Isbitaalka Garowe oo lagu daray qaybo cusub
Isbitaalka guud ee Garowe ayaa lagu kordhiyey qaybta ilkaha iyo qayb lagu xanaanayn doono Carruurta ku dhalata dhiciska.
Agaasime ku xigeenka Isbitaalka Maxamed Xasan Carabay ayaa sharaxay qaybaha lagu kordhiyey isbitaalka, wuxuuna tilmaamay in qaybta ilkaha ay dowladda Jarmarlka ugu deeqday Isbitaalka, qaybta xanaanaynta Carruurta ku dhasha dhiciska waxaa isbitaalka ku dartay wasaaradda caafimaadka Puntland.
Waa markii ugu horaysay oo Isbitaalka Garowe uu yeesho qaybahaas, waxayna maamulku sheegeen inay horay u waayeen dhakhaatiir ku shaqayn karta qalabka.
Isbitaalka Garowe ayaa ah Isbitaalka ugu weyn gobolka Nugaal, waxaana la keena bukaano kala duwan oo laga soo qaado meelo badan oo kamida Puntland , maamulka Isbitaalka ayaa sheegay in dhakhaatirtu shaqeeyaan 24 ka saac.
About The Author
