Sawiro: Madaxweynaha Dawladda Puntland oo Boosaaso Soo Gaadhay
Madaxweynaha Dawlada Puntland Dr. Cabdiweli Maxamed Cali Gaas iyo wefti balaadhan oo uu hogaaminayo ayaa maanta oo taariikhdu tahay 8 june 2016 dalka dib ugu soo laabtay.
Madaxweynaha Dawlada Puntland oo safar shaqo oo qaatay mudo 4 maalmood ah ugu maqnaa magaalada Abu-dhabi ee xaruntka Isutaga Imaaraadka Carabta ayaa maanta si weyn loogu soo dhaweeyey magaalada Boosaaso ee xarunta ganacsiga Puntland.
Madaxweynha Iyo weftigiisa ayaa markii ay soo gaadheen garoonka caalamiga ah ee Boosaaso Airport waxaa loo gelbiyey qolka nasashada halkaasi oo uu madaxweynuhu kula hadlay warbaahinta kala duwan.
Madaxweyne Dr. Cabdiweli Maxamed Cali Gaas oo ka warbixiyey safarkii sahqo ee uu ku tagay wadamada Isutaga Imaaraadka Carabta ayaa sheegay in safarkaasi ku soo gebageboobay guul iyo is afgarad.
“Waxaanu safar shaqo ku tegay Magaalada Abu-dhabi halkaas oo aanu kula kulanay madaxda dalkaasi iyo shirkado shisheeye oo danaynaya inay maalgashadaan Puntland,
kulamadii aan la yeelanay madaxdii aan la kulananay waxay ahaayeen kuwo ku saabsanaa adkaynta amniga, xoojinta xidhiidhka siyaasadeed ee u dhaxeeya Puntland iyo UAE iyo kobcinta ganacsiga iyo kaabayaasha dhaqaalaha ee Puntland.” ayuu yidhi Madaxweyne Dr, Cabdiweli Maxamed Cali Gaas.
Ugudanbayntii Madaxweynaha Dawllada Puntland ayaa uga mahadceliyey maamulka gobolka, kan degmada, golayaasha Dawladda iyo dadwaynihii kale ee sida diiran usoo dhaweeyey.
About The Author
