XOG: Wafdigii ay Darwiish & Axmed madoobe u direen Puntland oo Garowe gaaray
11 June 2016 (Puntlandes) Warbaahinta Puntlandes ayaa qortay in Wafdi uu ka dambeeyo madaxweynaha Jubaland Axmed Maxamed Islaan (Axmed Madoobe) uuna ka caawiyey Darwiish oo ah Axmed Madoobe wasiirka Arimaha Gudaha loona diray Puntland inay Kuraas Aqalka Hoose ka keenaan.
Wafdigaas ayaa waxay gaareen Caasimada Puntland ee Garowe iyagoo aan wali la kulmin madaxweynaha Puntland iyo madax kale toona.
Axmed Madoobe iyo Darwiish ayaa waxaa hogaaminayey Gudoomiye ku xeenka Baarlamaanka Jubbaland Aadan Khaliif waxaana ka mid ahaa Wasiir Ganacsiga Iyo Warshadaha Jubband Fariid Jaamac Saleebaan, 3 Xildhibaan iyo Suldaan Cali Siciid oo ah Isin Juffo ka mid ah kuwa Beelaha Majeerteen.
Wafdigan ayaa ujeedda ay usoo direen Axmed Madoobe iyo Darwiish ay tahay sidii uu Axmed Madoobe ku heli lahaa Kuraas uu siduu doono ka yeelo.
Warbaahinta Puntlandes ayaa ogaatay inay Xubnaha wafdiga Axmed Madoobe iyo Darwiish aysan ahayn Hartiga Jubaland ee ay yihiin dhamaantood rag dhawaan tagay Jubaland ayna Axmed Madoobe iyo Darwiish geeyeen Xilalka ay ka hayaan Jubaland.
Warbaahinta Puntlandes ayaa waxay kaloo ogaatay inay Xubnaha wafdiga Axmed Madoobe iyo Darwiish ay yihiin, marka laga reebo ahaa Wasiir Ganacsiga Iyo Warshadaha, Shaqsiyaadkii kala shaqeeyey Axmed Madoobe iyo Darwiish xariga, Caburinta iyo Masaafurinta Isimad iyo Waxgaradka kasoo jeeda Beelaha Harti ee Jubaland.
Isimada iyo Waxgaradka la masaafuriyey ayaa waxaa ka mid ah Suldaankii Beelaha Harti Suldaan Maxamuud Geele Cumar, Suldan Abdiaziz Maxamuud Yusuf (afguduud) oo ah Suldaanka Beelaha Ibrahiino/Harti ee Jubbaland.
Aqoonyahanada iyo Nabadoonada la xiray ayaa waxaa ka mid ahaa nabadoonkii Beesha Ciise Maxamuud ee jubaland Nabadoon Cabdullahi Bile Saciid Ciise, Drs Idil Abdikadir Hussein iyo kuwo kale oo badan.
Wafdigan oo ah ku caawiyey Axmed Madoobe iyo Darwiish ariga, Caburinta iyo Masaafurinta Isimad iyo Waxgaradka kasoo jeeda Beelaha Harti ee Jubaland (marka laga reebo Wasiir Ganacsiga Iyo Warshadaha) ma wadaan maanta DAN Hartiga Jubaland ay leeyihiin? Mase yihiin Rag wakiilo u noqon kara kuna hadli kara magaca Beelaha Hartiga Jubaland? Mise waxay u yimaadeen Puntland sida muuqata Axmed Madoobe iyo Darwiish oo ah inay helaan Kuraas ay siday doonaan ka yeelaan?
Marin habaabinta qaar ka mida Saxaafadda Puntland
Marin habaabinta qaar ka mida Saxaafadda Puntland oo ku tilmaamay wafdigani inay Puntkand u yimaadeen inay ka qaybgalaan Shir ay ku sheegeen in looga hadlayo Dastuurka Soomaaliya, kaasoo ka dhacayo Garowe, CAJIIB warkaasi waa waxba kama jiraan iyo marin habaabin mana jiro Shir caynkaas ah.
Sawirada Wefdiga Axmed Madoobe iyo Darwiish usoo direen Puntland
Puntlandes.com
About The Author
