Garoowe laga fulinayo 10 Wado & 2 Buundo
15 June 2016 (Puntlandes) Caasimadda Puntland ee Garowe ayaa iyadoo ka faa’iideysanaysa Mashruuc uu World Bank ka fulinayo Saddex magaalo oo ka mid ah Soomaaliya kuwaa lagu hormarinayo magaalooyinkaas.
Saddexda magaalo ayaa kala ah Muqdisho, Garowe iyo Hargaysa oo mashruucan wajigiisa koowaad laga hirgelinayo. Xoghayaha dowladda hoose ee Garoowe Cabdiqafaar Cabdiraxmaan Axmed ayaa sheegay in caasimada Puntland ay ka heshay mashruucan 27 Km, Wuxuu sheegay celcelis ahaan in 10 wado iyo labo Buundo laga dhisaysayo.
Goobaha buundooyinka la saarayo ayuu sheegay in ay kala yihiin Toga u dhaxeeya Isbitaalka iyo magaalada iyo Barta ay wada 30-ka ka gasho Toga ee dhanka wadada Gaalkacyo aada.
Puntlandes.com
About The Author
