Sawirro: Madaxweynaha Koofur Galbeed oo gaaray Baydhabo i
21 June (Puntlandes) Maanta waxaa magaalada soo gaarey wafdi uu Hogaaminayey madaxweynaha Koofur Galbeed Mudane Shariif Xasan Sheekh Aadan oo isagu marti galinaya oo maalimihii ugu dambeyey safar uga maqanaa dalka dibadiisa, xili uu maalinta berita ah ka furmayo magaalada Baydhabo shirka madasha Hogaamiyayaasha qaranka.
Madaxweynaha iyo wafdigiisa waxaa goroonka diyaaradaha magaalada Baydhabo si diiran uga soo dhaweeyey mas’uuliyiinta maamulka KG oo ugu horeeyey gudoomiyaha Baarlamanka KG wasiiro, xildhibaano iyo waliba taliyaasha ciidanka XDS kuwa nabad ilaalinta midawga Afrika ee AMISOM.
Waxaana madaxweynuhu uu kormeeray goobaha loogu talagalay in lagu qabto shir madasha qaranka ee beri ka furmi doono magaalada Baydhabo
Madaxweynaha ayaa kormeerka kadib la hadlay warfidiyeenka waxaana uu sheegay in dowlada KG si qurux badan ay u marti galin doonto shirka.
Sidoo kale maanta magaalada Baydhabo soo gaarey saraakiil ka tirsan ciidanka asuubta Soomaaliyeed oo uu hogaaminaayey taliye ku xigeenka ciidanka asluubta Soomaaliyeed sareeyo gaas C/laahi Moogaw Colaw, waxaana ay qeyb ka ahaayeen wafdiga madaxweynaha koofur galbeed Soomaaliya.
Taliyaha iyo saraakiisha kale ee la socotay ayaa kormeerey xabsiga weyn ee magaalada Baydhabo halkaas oo ay kula kulmeen saraakiisha qeybta asluubta ee gobolka Baay.
Puntlandes.com
About The Author
