Akhriso: Gudiga dib u saxida dawladda Hoose ee Gaalkacyo oo shaaciyay 6 qof oo ku Guulaystay Agaasime Waaxeedyadii
30 July 2016 (Puntlandes) Gudiga dib u saxida Dawladda Hoose ee Degmada Gaalkacyo ayaa maanta shaaciyay 6 xubnood oo dhalinyaro Aqoonyahano ah oo ku guulaystay agaasime waaxeedyada dawladda hoose ee degmada.
Qoraal kasoo baxday Gudiga ayaa lagu sheegay in Duqa magaalada Gaalkacyo uu awood u leeyahay inuu u magacaabo 6 da Xubnood mid kasta meeshuu isleeyahay waa ku haboon yahay, arintan ayaa ah mid cusub iyadoo awal ay soo magacaabi jireen Madaxweynayaashii Puntland.
Xubnahan ayaa waxaa ka mid ah 2 gabdhood oo ah Gabdho aqoonyahano ah iyadoo iyana ay tahay wax ku cusub Dawlada Hoose ee Gaalkacyo oo ay boosaskan wada joogeen Rag fadhiyey muddo aad u dheer.
Dawlada Puntland ayaa horay u shaacisay in la tixgalinayo Gabdhaha iyo dadka kasoo jeeda beelaha laga tiro badan yahay.
Puntlandes.com
About The Author
