Guddoomiyihii hore Gobolka Banaadir Muungaab oo loo magacaabay Wasiiru dowlaha Caddaalada
4 Aug 2016 (Puntlandes) Guddoomiyihii hore ee Gobolka Banaadir Xasan Maxamed Xuseen Muungaab ayaa waxaa loo magacaabay Wasiiru Dowlaha Caddaalada DFS.
Muungaab oo hore loogaga qaaday xilka guddoomiyaha iyo Duqa magaalada Muqdisho ayaa waxaa dhowaanahan isa soo tarayay warar sheegaya in madaxweynaha DFS Xasan Sheekh uu u magacaabayo Wasiir.
Lama garanayo sababta keentay in loo magacaabo xil wasiirnimo, iyadoo haatan lagu jiro xilli kala guur ah oo la rajeynayo in la qabto doorashooyin ayna u harsan tahay Xukuumada Xasan Sheekh wax ka yar bil.
Puntlandes.com
About The Author
