Sawirro: Qaar ka mida Agaasime waaxeedyadii cusbaa ee degmada Gaalkacyo oo xilkii la wareegay
8 Aug 2016 (Puntlandes) Xurunta Degmada Gaalkacyo ayaa waxaa maanta xilalkii la wareegay 4 Agaasime waaxeed oo ka tirsan kuwa Dawladda Hoose ee degmada Gaalkacyo kuwaas oo kusoo baxay imtixaan laga qaaday, waxaana xilalkii ku wareejiyay agaasimayaashii hore.
Agaasimayaasha Xilka la wareegay ayaa kala ah:
- Nadiiro Maxamed Cabdi oo laga dhigay Agaasimaha Qorshaynta ee Dawladda Hoose ee Gaalkacyo.
- Maxamed Cabdrxamaan Xallane Agaasimaha Hawlaha Guud
- Hubo Cabdulaahi Maxamed Agaasimaha Arrimaha Bulshada
- Cabdiqani Maxamed Faarax Agaasimaha Dakhliga.
Duqa Gaalkacyo Mudane Maxamuud Yaasiin Tumey, Gudoomiye Ku-xigeenka Degmada Gaalkacyo Farxaan Gaafaa iyo Hawlwadeeno ka tirsan dawladda Hoose ee Degmada Gaalkacyo ayaa ka qaybgalay munaasabada xilwareejinta.
Gudoomiye Tumey ayaa Agaasimayaasha Cusub kula dardaarmay dardar galinta shaqada bulshada ay u qabanayaan, waxaana uu sheegay in muhiim ay tahay in shaqooyinka Dawladda hoose iyo hufnaanta la horumariyo.
Waxaa uu intaas ku daray in Dhalinyarada iyo Haweenka ay tahay shaqooyinkoodu mid hufan.
Dhanka kale Agaasimayaasha Cusub ayaa sheegay shaqadooda ay dardar galinayaan, ayna jecel yihiin hormar wanaagsan ay degmada gaarsiyaan.
Puntlandes.com
About The Author
