Sawirro: Tigay “Adna Dhoobada anna Dhagaxa Ninkii Dhuuntaa dhaxal kuma laha..aynu dib u dhisno Isboitaalka Gaalkacyo”
26 Aug 2016 (Puntlandes) Gudoomiyihii horre ee Gobolka Mudug Maxamuud Yuusuf Tigey ayaa barta uu ku leeyahay Facebook ga soo dhigay Qoraal uu uga hadlay Buburkii soo gaaray Isbitaalka guud ee Gobolka Mudug ee magaalada Gaalkacyo Weerarkii Qaraxyada ay Alshabaab u adeegsatay ee Axadii Gaalkacyo ay ku qaaday.
Isbitaalka guud ee Gobolka Mudug ayaa waxaa kasoo gaasay Qaraxyadaas Khasaaro aad wayn isagoo qaybo badan ka dumay Isbitaalku.
Hadaba akhriso Qoraalka Gudoomiyihii horre ee Gobolka Mudug Maxamuud Yuusuf Tigey oo sidan u dhignaa:
Isbitaalka guud ee Gobolka Mudug ama Isbitaalka Jaamacadda Waxaa la Dhisay 1935 waa isbitaal Soomaali oo Dhan lagu daweeyo Maalintii Argagixisadu Gaalkacyo Qaraxyada ka Gaysteen waxaa Saalada Qalliinka Saarnaa oo la Qalayay Sadix Bukaan oo ka kala Yimid Kismaayo,Guriceel iyo Bosaso Waxaa maalintii lagu daweeyaa Isbitaalka gaalkacyo kun Qof oo soomaali ah,Sanadkii waxaa la gu Daweeyaa ku dhowaad afar Malyan oo Bukaan oo Soomaaliya oo dhan isaga kala yimaada Waa Hanti qaran.
Isbitaalka waxaa soo Gaaray Bur Bur aad u wayn waxaa Maanta deeqdii ugu Horraysay ee Dib u Dhiska Isbitaalka Gaarsiiyay ururka Somali Relief Network of North Amerika oo uu garwadeen ka yahay Shiikh Aadan Maxamuud Ciise Gaadaale Waa tillaabo ku dayasho mudan.
Dib u Dhiska Isbitaalka Umadda Soomaaliyeed Shaqadaas wayn u Haya Innaguu Dib u Dhis inaka Dhawrayaa waa inaynaan u kala Harin mid wax Haysta iyo Mid aan wax haysan Mid dalaka jooga iyo mid ka maqan.
Munaasabad ay goob joog ka ahaayeen maamulka gobolka kan Dagmada iyo maamulka Isbitaalka iyo Dhaqaatiirta ayaa waxaa laga soo jeediyay warbixinya isbitaalka waxaana Goobtaas lagu guddoonsaday inaynu Dhisanno isbitaalkeenna @ Adna Dhoobada anna Dhagaxa Ninkii Dhuuntaa dhaxal kuma laha
Daawo sawirrada
Puntlandes.com
About The Author
