Sawirro: Gaalkacyo oo la Dhagax dhigay 4 Wado oo cusub oo laga hirgalinayo
4 sept 2016 (Puntlandes) Waxaa maanta laga dhagax dhigay magaalada Gaalkacyo ee Xarunta Gobolka Mudug 4 Wado oo laami ah oo cusub oo ay yeelanayso.
Wadooyinkaan ayaa waxaa laga hirgalinayaa magaalada Gaalkacyo sanadkaan 2016ka, iyadoona dhaqaalaha ku baxaya uu bixinayo Barnaamijka JPLG, maamulka Degmada Gaalkacyo iyo Wasaaradda Maaliyada dawladda Puntlad.
Wadooyinkaan ayaa ku kala yaal Fooneeyaha Xaafada Garsoor, waxaana laamigaas lagu dari doonaa kan Durdur oo 2015 la hirgaliyey.
Laamiga labaadna Wadada kasoo baxda Laamiga wayn dhanka Peac School ayaa lagu dari doonaa Durdur oo ah wado laami ah.
Laamiga sadexaad ayaa ka bilaaban doona Dahabshiil Xarunteeda wayn waxaana laga soo ridayaa Enjii, iyadoona isla laamiga siinay lagu dari doono kan wayn waxaana looga daraa dhanka Warshada kabida.
Duqa Galakacyo mudane Maxamuud Yaasiin Tumey oo maanta ka hadlay Munaasabada lagu dhagax dhigayey wadooyinkan ayaa sheegay in Horumar aad u balaaran ay Degmada Gaalkacyo gaarsiin doonaan, isagoo cod dheer ku sheegay in Gaalkacyo ay cagta saartay wadadii Hormarka.
Puntlandes.com
About The Author
