Bosaso-Sawirro: Dareewaladii Mashruuca wadada Ceel-Daahir – Ceergaabo oo imtixaan lagu xulayo
18 sept 2016 (Puntlandes) Guddiga dhismaha wadada Ceel-daahir Ceergaabo ayaa magaalada Bosaso imtixaan kaga qaaday 60 darawal oo tartan u gelay kaxaynta gaadiidka kala duwan ee looga shaqeynayo mashruuca dhismaha wadadaas.
60 ka darawal oo ku soo baxay isku shaandheyn lagu sameeyey ku dhawaad 120- Dareewal oo soo codsaday ku shaqaynta gaadiidkaan ayaa waxaa imtixaanka laga qaadayey kormeer ka ahaa xubno khuburo ah oo ay soo xuleen guddiga mashruuca dhismaha wadada ceel-daahir –ceergaabo.
Maxamed Mahad Ciise oo xubin ka ah guddiga ayaa ka sheekeeyey marxaladihii kala duwanaa ee darawaladaan laga qaadayo imtixaanka soomareen, halka uu Generaal Cali Ismaaciil oo ku hadlayey magaca Guddiga Sare ee mashruuca natiijo wanaagsan u rajeeyey tartamayaasha .
Kormeerayaasha qaadaayey Imtixaanka Shaqaalaysiinta ayaa xaqiijiyey in talaabadaani ay qayb ka tahay hanaanka hufan ee shaqaalaysiinta Puntland oo dhabada tooska ah qaaday tan iyo markii uu xilka la wareegay madaxwaynaha Dawladda Puntland Dr. Cabdwali Maxamed Cali Gaas.
Qaar kamid ah dareewaladii tartamayey ayaa dhankooda ka hadlay madasha waxayna amaan usoo jeediyeen hufnaanta Maamul iyo habka loo shaqaalaysiiyey ee ku dhisan Cadaaladda .
Puntlandes.com
About The Author
