Warbixin+Sawirro:-Hishiis is- afgarad wada shaqayn oo dhexmaray Wasaaradda Waxbarashada iyo Tacliinta sare ee Dowlada puntland iyo Maamulka Degmada Hoose ee Gorowe Qaybteeda Waxbarashada Barnamijka JBLG.
Wasaaradda Waxbarashada iyo Tacliinta sare iyo Dowlada Hoose ee Degmada Garowe ayaa maanta oo Taariikhdu ahyd 15 janaayo 2017, heshiis is af-garad wada shaqeyneed kula saxiixday .
Hishiiskaan ayaa Waxaa ka goob joog ahaa Duqa Maglada Garowe, Xasan Maxamed Ciise (Xasan Goodir) Agaasimaha Guud ee Wasaaradda Waxabarashada iyo Tacliinta sare Maxamed C/qaadir Cismaan iyo Gudoomiyaha Waxbarashada Gobolka Nugaal Xaashi Xuseen Faarax iyo Gudoomiyaha Waxbarashada Degmada Garowe.
Hishiis kani waxa uu dhiiri galinyaa doorka hormarinta Waxbarashada asaasiga ah .
Dhanka Wasaaradda Waxabarshada hishiiska Waxaa u saxiixay Agaasimaha Guud ee Wasaaradda Waxabarshada iyo Tacliinta sare Maxamed C/qaadir cismaan, halka dhanka kale uu saxiixay qalinkana ku duugay Duqa Degmada Mudane Xasan Maxamed Ciise . (Xasan Goodir).
Hishiiskan Waxaa ku cad doorka ay kala qaadanayaan labada hay’adood heer dowlada dhaxe iyo heer Dowlada hoose.
Labada Masuul waxay xuseen in barnamijkan JBLG dhinaca Waxbarashada uu yahay mid tijaabo ah oo diirada lagu saarayo adeega waxbarshada asaasiga ah.
Dhamaana la wada gaarsiin doono gobolada oo dhan haduu hagaago mashruucan.
Wasaaradda Waxbarashada iyo Tacliinta sare waxay balan qaaday inay la shaqayn doonto Dowlada hoose ee Degmada Garowe, isla markaasna ay ka qaban doonto awooda shaqo fulin ee dowlada hoose garowe gaar ahaan waaxda Arimaha bulshada- Qaybteeda Waxbarsahada .
Dowlada hoose ee Garowe waxay balan qaaday in ay fulin doondo howlaha ku cad hishiiskan mudnaanta gaarka ahana siidoonto adeegyada Waxbarsahada asaasiga ah.
Sawirrada Hoos Ka Eeg
About The Author
