Sawirro: Kulamadii ugu xiisaha badnaa ee Horyaalka Puntland

16 jan 2017 (Puntlandes) Kulamadii ugu xiisaha badnaa ayaa ka dhacay magaalooyinka waaweyn ee Puntland, kulamadaan oo qayb ka ahaa ciyaaraha Puntland, waxaana ka dhashay natiijooyin aan la filayn.

Ciyaarihii dhacay Axaddii ayaa ahaa kuwo xamaasad badan la dheehday, waxaana ka dhacay Ganaaxyo kala gadisan, iyada oo natiijooyinkii ka dhashay ay saamayn ku yeesheen kala horaynta Hoyaalka Puntland.

Comsed Vs Homboboro: waxaa ay ahayd ciyaar xamaasad badan, ayna ciyaar yahano badani calaamado Haruudi iyo Gaduud ah qaateen, waxaa garoonka laga saaray laba ciyaar yahan oo ka kala tirsan labada kooxood, oo qaatan Gadood qalalan, taas ay xiriirku kasoo saareen Ganaax siyaado ah.

Labadaan ciyaar yahan ayaa lagu ganaaxay kiiba laba kulan iyo $ 100.00, oo lacag ah, waxaana intaas raacday Digniin loo diray macalimiinta kooxaha, Comsed iyo Homboboro. Ciyaarta ayaa ku dhamaatay Bar baro, 1-1 ah.

Horseed Vs Garowe City: waxaa ay lamid ahayd ciyaartii Gaalkacyo, waa ciyaaraha lagu daynaaso kulamada Darbiga dariskaa, waxaa ay ahayd ciyaartii ugu xamaasadda Badnayn, sida ay taageerayaashu sheegayeen, kulamadii ka dhacay Garoowe.

Ciyaartaan oo aad uxamaasad badnayd ayaa kusoo dhamaatay 0-3, waxaana guushu raacday Kooxda Garoowe City, oo labadii kulan oo hore midkood laga badiyey, Ciyaarta waxaa Gaduud lasiiyey 3ciyaar yahay oo katirsan kooxda Horseed, iyada oo Ganaaxna lasaaray ciyaar yahanadaas.

Bari Fc Vs Qardho: Ciyaartaan ayaa waxaa ay kusoo dhamaatay Jawi dagan, waxaana ay labada kooxood ku kala bexeed Bar baro 0-0 ah, bar baradaan ayaa labada kooxoodba waxaa ay u lahaayeen Natiijo isku mid ah, mid kastaana waxaa uu tagayaaa 4 dhibcood.

Hoos ka akhri Jadwalka Isku kala horaynta kooxaha.

#	Magaca kooxda	Kulamada	Goolasha	Dhibcaha
1	SBC	2	2	4
2	Garoowe City	3	2	4
3	Homboboro Fc	2	1	4
4	Qardho Fc	3	0	4
5	Bosaso FC	2	0	3
6	Bari Fc	3	-1	3
7	Horseed	2	-1	3
8	Comsed	3	-1	2
9	Somtel	2	-2	1