Warbixin: Rasaas Xoog leh oo Caawa argagarax gelisay shacabka Gaalkacyo
10 marso 2017 (Puntlandes) Rasaas Xoog leh ayaa mar kaliya ka bilaabatay Xaafadda Baraxleey ee Koonfurta magaalada Gaalkacyo, taasoo Caawa argagarax gelisay shacabka Gaalkacyo.
Rasaasta oo Baraxleey kasoo dhacaysay ayaa waxay salka ku haysay sida ay ogaatay Warbaahinta Puntlandes Baaritaan Sirdoonka maamulka Galmudug ay ku beegsanayeen rag lagu tuhunsanaa inay dhibaato kasoo gaysteen Dhinaca Waqooyiga Galkacyo ee Puntland.
Sirdoonka maamulka Galmudug ayaa iyagoo kaashanaya xogo dheeraad ah oo ay heleen waxay qaadeen talaabadan, inkastoo illaa iyo hadda aanan helin xog dheeraad ah oo la xariirta howlgalkan caawa fiidkii sababay in shacabka magaalada Gaalkacyo ay baqdin gasho rasaasta dhaxaysay oo aad u xoogganayd awgeed qadar saacado ahina socotay.
Illaa iyo iminka nooma aysan suurtoobin inaan helno qasaaraha ka dhashay howlgalkaasi, cid wax ku noqotay iyo in lagu soo qabtay Raggii la tuhunsanaa.
Wixii war ah oo kusoo kordha kala soco Warbaahinta Puntlandes
Puntlandes.com
About The Author
