Sawirro: Shirka garsoorka Afrika oo ka furmay Suudaan & Magacii JFS oo la badelay
3 April 2017 (Puntlandes) Magaaladda khartuum ee caasimadda dalka Suudaan ayaa waxaa ka furmay shir looga hadlayo arimaha garsoorka, waxaana ka dhex muuqda shirkaas magacii Jamhuuriyadda Federaalka Soomaaliya oo lagu bedelay Jahuuriyadda Soomaaliya iyadoo uu shirkaasi uga qeyb galay Soomaaliya wafdi uu hogaaminayo gudoomiyaha maxkamadda sare ee dalka.
Shirkan oo uu furay madaxweenaha dalka Suudaan Cumar Xasan Axmed Albashiir ayaa ahaa shirkii koowaad ee gudoomiyaasha maxkamadda sare gudoomiyaasha garsoorka ee wadamadda Africa iyadoo ay ka soo qeeb galeen wadamada Africa badankooda waxaana dowladda Soomaaliya u matalayay gudoomiyaha maxkamadda sare ee dalka Ibraahim Iidle Sulaymaan iyo Saalax Sheekh Ibraahim Dhiblaawe gudoomiyaha maxkamadda Racfaanka gobolka Banaadir.
Arimaha ugu muhiimsan ee shirka diirada lagu saaray ayaa waxaa kamid ahaa sida laga yeelayo muranka soo kala dhexgala bulshada qeybaheeda kala duwan kuwaas qaarkood ka baxsan garsoorka iyo maxkamadaha.
Dhanka kale, gudoomiyaha maxkamadda sare ee dalka Ibraahim Iidle Sulaymaan ayaa booqday bandhigga waxqabadka garsoorka Suudaan , isagoo tibaaxay in uu indhihiisa ku soo arkay waxyaabo layaab leh taa oo ah diiwaanka dhulka ee Suudan 1928 ilaa iyo iminka in lahayo.
Shirkan ayaa lagu wadaa in uu socdo mudo sadex maalmood ah islamarkaana uu ku egyahay maalinimada Talaadada ah ee inagu soo food leh.
Puntlandes.com
About The Author
