Xaaladda Abaaaraha Gobolka Mudug iyo Gurmadyada Dhuun qayntaa (War bixin +Sawirro)
Gobolka Mudug waxaa uu haatan ku jiraa Xaalad aad u adag, Inkasta oo ay bilaabatay Raxmaddii Alle, misana wali xaaladda Gobolku waxaa ay ku jirtaa meeshii ugu adkayd.
Dagmada saaxo oo kamid ah dagmooyinka sida buuxda ugu tiirsan reer guuraaga, waxaa ay haatan maraysaa meel aad u adag, waxaa ka dilaacay Xanuunka shuban biyoodka, oo ay usoodheceen tiro caruur ah, waxaana ka jirta biyo la’aan xoolaha iyo dadka isku si u aafaysay.
Magaaladda Gaalkacyo waxaa ka socda dadaalo ay wadaan dad badan, kuwaas oo isugu jira Gurmad dag dag ah, oo ay wadaan gudiyaal Dhalinyaro ah iyo Kuwo Culimada Ehlu-sunna Wal Jameeca ah, waxaa kale oo isna jira Gudiga Abaaraha Gobolka Mudug, oo qorshe guud ka leh gobolka, uuna shir gudoominayo gudoomiyaha Gobolka Mudug, waxaana ay matalayaan dhamaan Gobolka Mudug, Halka gudiyada kale ay ka jawaabayaan xaladaha dag dagaa, ee Dagmada Gaalkacyo iyo Dagmooyinka ku xeeran ee dhow dhow, si hoos loogu dhigo dadka ay abaartu halakaysay, ee heerka xun gaaraya.
Gudiyadaas haatan waxaa kusoo biiray, Gudoomiyihii hore ee Gobolka Mudug Maxamed Yusuf Jaamac Tigay, oo isaguna ku hawlan shaqada samafalka.
Gudiyada xaaladda dag dagaa waxaa qayb ka ah, gudoomiyaha Dagmada Gaalkacyo, Maxamud Yaasin Tumay Xoga hayaha D/hoose iyo qaal xildhibaanada kamid ah, waxaana haatan socota Daawooyin raashin iyo biyo dhaamis aan Wada gaarin dadka balse kuwa liita la gaarsiinayo goobaha Qaarkood.
Xaaladdaha ayaa sii cuslaaday markii magaalooyinka Qaarkood lagu arka xanuunka Shubanaka, oo laha qaarkood aan laxaqiijin nooca uu yahay.
Sawirro.
About The Author
