Daawo muuqaalo: Garowe oo siwayn loogu soo dhaweeyay Wasiirka A. Gudugaha, Fadaraalka & Dibu heshiisiinta Somalia Cabdi Faarax Siciid (Juxaa)
23 June 2017 (Puntlandes) Caasimadda Puntland ee Garowe ayaa waxaa maanta si wayn loogu soo dhaweeyay Wasiirka Arimaha Gudugaha, Fadaraalka & Dib u heshiisiinta Xukuumadda Soomaaliya Cabdi Faarax Siciid (Juxaa).
Soo dhawaynta Wasiirka ayaa waxaa ka qaybqaatay madax ka socota dawladda Puntland oo ay ka mid ahaayeen maamulka Gobolka Nugaal iyo kan Garowe, waxgarad, Aqoonyahano, Haween iyo dhalinyaro.
Wasiirka oo ugu dambayn khudbad ka jeediyey Barxadda magaalada Garowe ayaa sheegay inuu aad ugu faraxsan yahay Horumarka ay dawladda Puntland ka wado dalka wuxuuna ka codsaday in shacabku uu garab istaago dawladii kuna taageero Horumarka ay dalka ka wado.
Dhanka kale wasiir Juxaa ayaa sheegay inuu dhawaan imaan doona Puntland madaxweynaha JFS mudane Macxamed Cabdulaahi Farmaajo, iyadoo ay Warbaahinta Puntlandes ogaatay in safarkiisa la qorshaynayo bacda Ciid.
Puntlandes.com
About The Author
