Sawirro: Wasaaradda Waxbarashada iyo Tacliinta Sare oo shaacisay imtixaankii Fasalka 8aad ee Dugsiyada dhexe Puntland

05 August 2017 (Puntlandes) Wasaarada Waxbarashada iyo Tacliinta sare ee puntland ayaa qabatay munaasabad balaaran oo ay ka soo qayb galeen dhamaan masuuliyiinta wasaarada waxbarahsada iyo Tacliinta sare oo uu ugu horeeyo wasiirka wasarada Prof, Abshir Yuusuf Aw-ciise, Wasiir ku xigeenka Wasaarada Dr, Maxamed Cali Faarax, Agaasimaha Waaxda imtixaamaadka ee Wasaarada Axmed Maxamud Warasame iyo dhamaan Bahada Waxbarashada Puntland..

Ujeedada Munasabadan ayaa ahayd in la shaaciyo imtixaankii Fasalka 8aad Dugsiyadda Dhaxe ee Puntland.

Axmed Maxamuud Warsame agaasimaha waaxda imtixaaamaadka oo ka hadlay marxaladihii uu soo maray imtixaanka maanta la shaaciyey wuxuu sheegay in sixitaanka imtixaankaan uu qaatay mudo bil ah loona xilsaaray macalimiin iyo khubaro aqoon durugsan u leh sixidda imtixaanaada, laguna bixiyey juhdi fara badan sidii arday walba u heli lahaa cadaalad ku salaysan aqoontiisa, gabagabadiina natiijadi maanta noqotay in lagu dhawaaqay.

sidoo kale Dr- Maxamed Cali Faarax Wasiir ku-xigeenka Wasaarada Waxbarashada iyo Tacliinta Sare ayaa ayaa bogaadiyey qaabka wanaagsan ee waaxda imtixaanaadku ugu dadaashay una lafa gurtay soona saartay natiijo ku qotonta arday walba iyo aqoontiisa, wuxuuna sidoo kale bogaadiyey in tiradii ugu badnayd ee ka qalin jebisa dugsiyada dhexe ay sanadka ka qalin jebisay Puntland.

ugu damayntii wasiirka wasaarada waxbarashada iyo tacliinta sare Prof- Abshir Yuusuf Aw-ciise ayaa soo gabagabeeyey war-saxaafadeedka wuxuuna u hambalyeeyey dhamaan ardadi sanadka ka qalin jebiyey dugsiyada dhexe ee Puntland, wuxuuna kula dardaarmay in ay sii wadaan wax barashada dadaalkoodana sii laba jibraanaan, sidoo kale wuxuu goobta ka akhriyey 10-kii arday ee ugu saraysay ee ka qalin jabisay dugsiyada dhexe ee Puntland.

wixii faahfaahin dheeri ah fadlan akhri warbixinta hoose

Warbixin kooban oo ku saabsan Imtixaankii fasalka 8aad 2016/2017

Qorshaynta hawlaha

Sida caadiga ah waxaa la qorsheeyaa Xafiiska Imtixaanaadka bisha Agoosto oo ah bilawga sannad dugsiyeedka Puntland iyadoo lala dhammaynayo dugsiyada. Haddaba bilaha uu ugu mashquulka badan yahay xafiisku ayaa ah Disember ilaa Julay ee sannad walba xilligaas oo ay dhacaan hawlaha ugu muhiimsan ee imtixaanaadku sida; dejinta imtixaanka, dib u habaynta, diwaangelinta ardayda, aruurinta kharashaadka imtixaanka, daabacaadda imtixaan, qaadista iyo sixidda, ku dhawaaqidda natiijada, raadinta deeqaha waxbarashao iyo qaybinta ardayda.

Sannadka 2017, wuxuu u ahaa sannad ay waaxda imtixaanaadku ku tallaabsatay horumar baaxad leh marka la qiimeeyo dhammaan hawlaha aan kor ku soo sheegnay oo u wada dhacay sidii loo qorsheeyay gaar ahaan marka la eego arrrimaha hoos ku qoran

Taboabaridda iyo sare u qaadida xirfadda sixidda imtixaanka.
Sare u qaadista iyo Xirfadaynta hawlwadeenada imtixaanaadka kormeerayaasha, ilaaliyayaasha, saxayaasha iyo dejiyayaasha imtixaanka.
Xoojinta xirfadda warbixinta, lafaguridda, iyo tarjumidda natiijada imtixaanka iyadoo la soo saarayo warbixinno kala duwan oo kala ah; warbixin farsamo, warbixin lafaguridda imtixaanka iyo warbixinta lafaguridda maadooyinka.
Ardayda Baahida Gaarka Qabta oo si dhab ah waaxda isugu hawshay in aanay ka harin safarka waxbarashada ha noqdaan indhoolayaasha, dhaawacyada, autosimka, umulaha iwm oo dhammaan ka mid ahaa dadkii sannadkan imtixaanka u fariistay.

Ardayda imtixaanka isu diiwaangelisay

Fariisatay		Gudubtay		Dhacday		Maqan
Wiial	Gabdho	Wiilal	Gabdho	Wiilal	Gabdho
5,215	3,585	4,629	3,110	527	425
8,800		7,739		952		109

Saamaiga gudbidda = 88%

Saamiga dhiciida = 11%

Saamiga maqnanshaha = 1%

Saamiga gabdhaha gudbay = 35.3%

Saamiga wiilasha gudbay = 52.6%

Falanqaynta natiijada ardayda

Waxqabadka Maadooyinka (subject performance)

Maado	2015	2016	2017
Somali	64.01	52.43	71.76
Carabi	61.79	58.76	62.62
Saynis	71.09	72.93	55.02
Tarbiyo	72.79	65.35	57.73
C/bulsho	72.34	76.18	50.74
English	65.27	51.74	44.36
Xisaab	63.58	69.20	42.67

Sida ku cad shaxda sare waxaa muuqdata in maadooyinka xisaabta iyo Englishka celceliskoodku uu ka hooseeya 50% loona baahan yahay in laga qaado tallaabooyin degdeg ah oo wax looga qabanayo.

Waxqabadka ardayda (student performance)

Sannad	Gudbid	Dhacid
2015	6985	176
2016	7263	379
2017	7740	950

Natiijo la baabi’iyay

waxaa la baabi’iyey natiiada arday lagu helay inay soo boodeen si khaldanna loogu soo diwaangeliyay imtixaanka fasalka 8aad 2017

Talooyin

Waxaa si is-dabajoog u soo kordhaya ardayda ardayda ka tallaabsanaysa heer ama labo heer ka dibna dhuumasho ku soo gelaya imtixaanka caamka taas oo badanaa ka dhacda magaalooyinka waawayn.
Si taas looga hortago, waxaan ku talinaynaa in la xoojiyo kormeerka iyo tayo dhawrka wasaaradda loona fududayn gudashada waajibaadkooda.
In la xoojiyo karmeerka goballada iyo degmooyinka laguna saleeyo xirfadda baridda iyo barashada kaliya, lagana hawlgeliyo dad aqoon u leh labadaa arrimood.

10 ka Arday ee ugu sarraysa imtixaanka Fasalka 8aad ee 2017

S/N	RNo	Magac	Dugsi	Grade	Celcelis
1.	P171462	Cadnaan Abdi Yasin Hersi	Imam Shafie	626.00	89.43
2.	P170536	Mohamed Abdi Barre Waberi	Darul-Birr i(Bosaso)	624.00	89.14
3.	P178369	Najmo Abdirisak Sahal Mohamud	Nawawi Garowe	623.00	89.00
4.	P175207	Luqman Abdikadir Ahmed Ali	Daru Salaam(Galk)	621.00	88.71
5.	P172469	Salman Said Jama Abdi	Ummul Qura	620.00	88.57
6.	P170798	Abdulahi Warsame Barre Said	Darul-Rahma(Bosaso)	618.00	88.29
6	P173560	Abdirahman Yasin Abdirahman Yusuf	Abdiladif Bilal	618.00	88.29
7.	P177610	Amira Ali Salah Adan	Dawad Garowe	618.00	88.29
8.	P178318	Ali Abdullahi Ali Said	Nawawi Pr Gr	617.00	88.14
9.	P171503	Mohamed Mubarak Farah Mohamud	Imam Shafie	614.00	87.71
9	P177445	Aisha Abdi Abdullahi Farah	Darwiish Garowe	614.00	87.71