Daawo Video-SAWIRRO: Degmada Bursaalax oo ay ka socdaan Hawlgalo Waddooyin samayn & Naqashadayn ah
24 Aug 2017 (Puntlandes) Wafdi culus oo uu hogaaminayo Gudoomiyaha Gobolka Mudug Xasan Maxamed Khaliif Abgaaloow, Taliyaha Ciidanka Daraawiishta ee Gobolka Mudug Cabdirashiid Qodhob iyo Injineero ku takhakhusay Wado samynta iyo Naqshadayta magaalooyinka ayaa waxay ka wadaaan Degmada Bursaalax ee Gobolka Mudug hawlgal culus.
Hawlgalkaas oo lagu qaabaynayo magaalada, ujeedadooduna ay tahay bilic u samaynta magaalada iyo inay Bursaalax la jaagqaado magaalooyinka u qaabaysan sida casriga ah.
Magaalada Bursaalax ayaa waxa laga samaynayaa Lix wado oo waawayn, iyadoo ugu horayn la banaynayo wadooyinkii xirnaa loona calaamadiyey in la dumiyo dhamaan guryaha iyo goobaha Ganacsiga ee ku yaala ama kusoo aada meelaha ay wadooyinkaasi marayaan.
Hawlgalkan qaabaynta Degmada ee aadka u baaxadda weyn ayaa ah kii ugu ballaarnaa ee abid ka dhaca magaalada Bursaalax, iyadoo ay jirtay baahi aad xoogan oo bulshada reer Bursaalax ay u qabeen.
Gudoomiyaha Gobolka Xasan Maxamed Khaliif Abgaaloow oo dhawaan soo gabogabeeyey hawlgalkii qaabaynta iyo bilic kusoo celinta Degmada Galdogob ayaa hawlagka Bursaalax garwadeen ka ah kuna shaqaynayey labadii todobaad ee lasoo dhaafay halkaas.
Dadweynaha kunool Degmada BURSAALAX ayaa si weyn usoo dhaweeyey shaqada ay u RIYAAQEEN ee laga bilaabay degmadooda, iyagoo si dhow ula shaqaynaya mas’uuliyiinta hawlagka wada.
Daawo sawirrada Hawlgalka Wado samaynta & Naqshadaynta degmada Bursaalax
Puntlandes.com
About The Author
