Daawo sawirrada halka uu marayo dhismihii Madatooyadda Gaalkacyo
3 Sept 2017 (Puntlandes) Dhismihii Madatooyadda Gaalkacyo oo horay u daabacday Warbaahinta Puntlandes inuu bilaamay ayaa hadda si xawli ah ku socda.
Maanta ayaa waxaa kormeer shaqo ku tagnay dhismaha Madaxtooyada ee Gaalkacyo Cawil Daad Ku xigeenka Agaasimaha guud ee Madaxtooyadda dawladda Puntland iyo Cabdirasaaq Cabdiraxman Xasan (Gosol) Agaasimaha Guud ee wakaaladda wararka Puntland ee Wasaaradda warfaafinta Hidaha iyo Dhaqanka.
Dhismaha Madaxtooyadda ayaa waxaa lagu soo gabo gabynayaa xili dhow, iyadoo uu dhismuhu ku socdo si xawli ah.
Madaxtooyadda Gaalkacyo ayaa laga dhisayaa iminka Xafiisyadii lagu shaqayn lahaa iyo Guriggii Martida.
Madaxtooyada Gaalkacyo oo laga dhisayo meel Istaratiiji ah oo ah bartamaha magaalada ayaa waxaana ku baxaya aduun lacag ah oo gaaraya 500.000 doollar oo ay dawlada uu madaxweynaha ka yahay Dr Cabdiweli Maxamed Cali Gaas ku wareejisay Shirkadii dhisi lahayd.
Dawladda Dr Gaas ayaa dadaal xoogan gelisay sidii Puntland dhan walba looga horumarin lahaa iyadoo waxyaalaha ay qabatay ay ka mid yihiin:
- Ceelal Biyood oo badan si Biyo nadiif ah ay shacabku u helaan
- Dhismaha Kaabayaasha dhaqaalaha sida Garoomo Diyaaradeed, Buundooyin, Wadooyin Laami ah iyo Dekaddo
- Dhismayaal badan oo ay dawladu ku shaqayso
- Dhismaha iyo Tayaynta Iskuulo Waxbarasho oo badan
- Dhismaha iyo tayaynya Goobaha Caafimaadka
- Iyo waxyaalo kale oo badan
Daawo sawirrada halka ay marayso dhismaha Madaxtooyadda Gaalkacyo
Puntlandes.com
About The Author
