Daawo sawirada Ugaas Maxamed Askar oo JigJiga kusoo dhaweeyey Wafdi uu hogaaminayo Amiir Maxamuud

14 Nov 2017 (Puntlandes) Ugaaska Beelaha Reer Cabdile ee Absame Ugaas Maxamed Asakar ayaa si wayn ugu soo dhaweeyay magaalada Jigjiga ee Caasimadda Dawlad Deegaanka Soomaalida Itoobiya (DDSI) wafdi ballaaran oo uu hogaaminayey Amiir Maxamuud Yuusuf Ciise oo kasoo kicitimay Magaalada Gaalkacyo ee xarunta Gobolka Mudug ee Puntland Soomaaliya.

Waxaana soo dhowaynta Ugaas Maxamed oo ahayd Qado sharaf uu shalay oo taariikhdu ahayd 13ka Nov 2017 u sameeyey wafdiga Amiirka ka qayb galay dhammaan Isimada Beelwaynta Absame oo uu u horeeyo Garaad Kulmiye Garaad Maxamed Garaad Dool Garaad Wiil-Waal oo ah Garaadka guud ee Kuumade(Beesha Absame iyo Adeerkood).

Amiir Maxamuud oo ka mid ah Isimada Gobolka Doollo ee DDSI ilaa xeebta fog ee Gobolka Mudug Puntland Soomaaliya, ayaa hada waxa uu booqasho kusoo gaaray Caasimada DDSI isagoo safar dheer oo dhanka lugta ah ku yimid halkaas.

Amiir Maxamuud ayaa ka mahadnaqay soo dhawaynta ehelnimo ee uu , Ugaas Maxamed u sameeyey, wuxuuna kaloo u mahadnaqay dhammaan Isimada Beelwaynta Absame ee kasoo qayb galay soo dhawayntaas.

Isimada Beelwaynta Absame ayaa si heer sare ah ugu soo dhaweeyey Amiirka magaalada Jigjiga, waxayna uga warbixiyeen horumarka ka socda DDSI ee uu ku hogaamiyey madaxweynaha DDSI mudane Cabdi Maxamuud Cumar ee dhan walba leh iyo sida ay diyaarka ugu yihiin wax wadaqabsiga iyo horumarinta deeganada beelwaynta Daarood.

Wafiga Amiirka oo labo qaybood kala ah ayaa ka kooban Odayaasha kala ah Caaqil Dagar Ilka Wayne, Huruse Xaashi, Shekh Cabdulqaadir Urbarwaaqo, halka dhanka qurbahana ay ka yimaadeen Bashir Abshir Gaas, Dhabac Abshir Caynshe.

Daawo sawirrada