Dhagayso: Taliyaha Ciidanka Xoogga dalka oo booqday Xerada 54aad ee Taliska Xooga Soomaaliya Qaybtiisa Puntland (Sawirro)
12 Dec 2017 (Puntlandes) Taliyaha Ciidanka Xoogga dalka Soomaaliyeed Sarreeye Gaas Cabdi wali Jaamac Warsame Gorod iyo Saraakiil uu horkacayo oo shalay Booqasho ku tagay Caasimadda Puntland ee Garowe ayaa maanta booqday Xerada 54aad oo xarun u ah Ciidanka Xoogga dalka Soomaaliyeed qaybtiisa Puntland.
Wafdiga Taliyaha ayaa waxay soo indha indheeyeen qeybaha ay Xeradaasi ka kooban tahay iyo xaaladda ay ku sugan yihiin Ciidanka Xoogga dalka ee Xerada 54aad ku jirta.
Taliyaha Ciidanka xoogga dalka oo la hadlay Ciidamadii uu booqday, ayaa kula dardaarmay inay daacad u noqdaan shaqada Qaranka ay u hayaan, ayna la yimaadaan hab dhaqan wanaagsan, isagoo xusay in Ciidamadii uu booqday ay qeyb ka yihiin Barnaamijka isku dhafka Ciidamada qaranka oo dowladda Soomaaliya ay wado.
Dhagayso Taliyaha Ciidanka Xoogga dalka Soomaaliyeed
Daawo sawirrada
Puntlandes.com
About The Author
