Sawirro: sidee uga socotaa Garawe qabanqaabada soo dhaweynta M/weynaha JFS?
06 Jan 2018 (Puntlandes) Magaalada Garawe ayaa waxaa laga dareemayaa qabanqaabada soo dhaweynta wafdiga Madaxweynaha Jamhuuriyadda Federaalka Soomaaliya Maxamed C/laahi Maxamed farmaajo, kaasoo lagu wado inuu booqasho ku tago halkaasi maalinta berri ah oo Axad ah ukna beegan 07da Janaayo 2018.
Caasimadda Puntland ee Garowe ayaa Gudi ay dawladda Puntland u saartay waxay ku gudajiraan qabanqabada soo dhoweynta Wafdiga ballaaran ee uu hoggaaminayo Madaxweynaha JFS, waxaana laga dareemaya gudaha Magaalada diyaargarow aad u sarreeya, waxaa kaloo ka qeyb ah bahda Warbaahinta, iyadoo sidoo kale madaxweynu uu booqan doono magaalooyin badan iyo deegaano kale oo ka tirsan Puntland.
Waxaa waddooyinka Caasimadda Garowe la suray Calanka Soomaaliya, kan kan Puntland, sawirrada Madaxweynaha iyo boorar ay ku qoran yihiin soo dhawaynta Madaxweynaha.
Puntlandes.com
About The Author
