Sawirro-HEES: Taliyaha XDS & saraakiisha Maxkamada ciidammada oo Gaalkacyo u jooga nabadeyn
09 Jan 2018 (Puntlandes) Taliyaha ciidammada xoogga dalka Soomaaliyeed oo ay wehliyaan Gudoomiyayaasha Maxkamadda Ciidamada Qalabka Sida iyo Saraakiil kale ayaa maalmahaan u joogay Gobalka Mudug gaar ahaan magaalada Gaalkacyo in ay soo afjaraan muranka gacanka hadalka ah ee deeganadaasi mudda ka jiray.
Ciidamo Isku dhaf ah oo ka socdo Booliiska iyo Military-ga ayaa laga hir geliyay magaalada iyadoo sidoo kale halkaas laga furi doono sidi ugu dhaqsiyaha badan Maxkamadda Ciidamada Qalabka Sida, si loo yareeyo qaladaadka ka dhici Kara ciidamada dhexdooda ama in aysan ku xad gudbin shacabka ku dhaqan halkaas.
Wafdiga saraakiisha ah ayaa socdaal ku maray suuqyada Gaalkacyo iyagoo dadka Kala hadlay in ay ciidamada Kala shaqeeyaan nabad gelyada.
Taliyaha Ciidmada Xoogga dalka Soomaaliyeed Gen Gorod ayaa kula dar-daarmay Ciidamada isugu jiro Booliiska iyo Military-ga ee uu ku booqday Xarumahooda in ay ilaaliyeen nabad galyada ayna u dhimriyaan shacabka.
Gudoomiyaha Maxkamadda Darajada 1-aad Ee CQS G/sare Shuute ayaa isna dhankiisa uga digay ciidmada xad gudubyada, isagoo hoosta ka xariiqay in dhawaan ay furi doonaan qeyb Maxkamadda CQS hoos tagto oo ka shaqeyn doonto Cadaaladda, looguna tala galay in qofkasta oo qalad galo aan loogu naxariisan sharciga.
Gaalkacayo ayaa u qeybsaneyd muddo dheer laba dhinac oo dadka ay u dagaalmi jireen balse dowladda dhexe ee Soomaaliya iyo dowlad goboleedyada Galmudug iyo Puntland ayaa dadaal badan geliyay sidii loo soo afjari lahaa colaadaha sokeeye ee dhiigga badani ku daatay.
NALA DAAWADA HEESTII HA IS DILINA OO KA TARJUMAYSA WAQYIGA MAANTA EE GAALKACYO IYO DADAALKA LOOGU JIRO INAY KA HIRGASHO NABAD WAARTA.
WAA ERAYADII: ABWAAN BASHIIR ABDI JAMA SHIISH LAXANKII: JINI ISHUMI CODADKII: ALI NAJIIB IYO ABDULLAHI BOQOL
Daawo Sawirro
Puntlandes.com
About The Author
