Xog: Madaxweyne Gaas oo ogolaaday in Xaafada Baraxleey ee Konfurta G. Mudug ay noqoto Gobol, si Gobolkaasi maamul ula dhisto G. Galgaduud
War uu u soo dusiyey Warbaahinta madaxbanaan ee Puntlandes.com mid ka mid ah taageerayaasha madaxweynaha Puntland Dr Cabdiwali Maxamed Cali Gaas ayuu ku sheegay in madaxweyne Gaas u ogolaaday Kooxdii BOOBKA ku socotay ee u soo dirtay CabdiQaybdiid Gobolka Mudug si uu colaad uga abuuro in ay Gobol ka dhigataan labada Degmo ee dhaca Koonfurta Gobolka Mudug, Hobyo iyo Xarardheere. Sidaasna ku helaan wax loogu yeero laba Gobol oo ay ku dhistaan dawlad ka mid noqota Federaalka Somalia.
Waa Koonfurta mudug oo uu u ogolaaday madaxweyne Gaas Gobol iyo Gobolka Galgaduud oo ay sidaas ku buuxiyaan sharuudii Dastuurka ee ahayd labada Gobol. Madaxweyne Gaas ayaa sidaas u sameeyey sida ay ilahan Puntlandes.com ka codasaday in aysan magacooda soo daabicin u sheegeen in uu ka badbaado in CabdiQaybdiid iyo kooxdiisa doonaysa dawlad Habargidir in ay helaan in aysan ka BOOBIN Gobolka madaxweynuhu ka soo jeedo ee Mudug
Madaxweyne Dr Gaas waxa uu jabiyey ogolaadayna in lagu tunto Sharcigii ummadda Somaliyed ku heshiisay.
Madaxweyne Gaas waa in uu ogaadaa haddii Baraxleey Gobol noqoto in ay Bursaalax na Gobol tahay, Waxaa kaloo muhiim ah in uu Xusuusnaado madaxweyne Gaas in Puntland lagu Aasaasay laba Gobol oo buuxa oo ah Gobolka Nugaal, Gobolka Bari iyo inta badan Gobolka Mudug, Inta badan Gobolka Sool, Bariga Gobolka Sanaag iyo Degmada Buuhoodle. Maantana in ay Puntland ka kooban tahay 9 Gobol. Ha ogaado Gaas in uusan Dastuurkii ummadda somaliyed ku heshiisay aqoonsanayn 9 kaas Gobol ee Puntland ka kooban tahay marka haddii Baraxleey uu Gobol u aqoonsado waa in 9 kaas Gobol iyo Degmooyinkii Puntland samaysayba Gobolo iyo Degmooyin u aqoonsadaa Dastuurka federaalka.
Waa in Maamulka Khaatumo ee 3 da Gobol sheegta iyana loo aqoonsadaa Gobolo waa haddii CabdiQaydiid Koonfurta Mudug Gobol looga dhigayo.
Ha ogooda madaxweyne Dr Gaas in aan laga yeelayn in uu kaligiis u fuliyo waxa ay doonaan Kooxda CabdiQaybdiid. Waxay u muuqataa in uu jeclaaday nadaxweyne Gaás in uusan maya oran Kooxda Cabdiqaybdiid, Oday Xaad iyo Axmed Diiriye ee Villa Somalia,
Puntlandes.com
About The Author
