Daawo sawirrada: Dekeda Garacad oo dhismaheeda la bilaabayo
13 May 2018 (Puntlandes) Waxaa magaalada Gaalkacyo ee xarunta Gobolka Mudug maanta lagu soo bandhigay in dhawaan la bilaabayo dhismihii mudada dheer la sugayey ee dekedda Garacad.
Gaalkacyo ayaa waxaa ka dhacday munaasabad lagu soo bandhigay qayb ka mid ah qalabkii lagu dhisi lahaa dekadda Garacad, iyadoo Qalabka isla maanta lasii gudbiyey Garacad.
Campaniga Wadaagsan ayaa ah midka wada masharuucan oo ah mid ay Bulshada Gobolka Mudug ku wadaan si isku tashi ah, waxaana ku guulaysatay tartankii dhismaha Dekeda Garacad Shirkad lagu magacaabo TTN oo ah shirkad lagaleeyahay dalka Turkiga.
Masuuliyiin ka socotay dowlada federaalka Soomaliya, Dowlada Puntland,Maamulka Gobolka Mudug, Maamulka degmada Gaalkacyo, Isimo iyo waxgarad ayaa munaasabada goob joog ahaa dhamaantoodna waxay sheegeen in ay aad ugu faraxsanyihiin in Garacad lageyo wajiga koowaad ee Qalabka lagu dhisayo dekeda Degmada Garacad.
Dhismaha Dekeda Garacad ayaa lafilayaa in dhowaan uu dhagaxdhigo Madaxweynaha dawladda Puntland Dr Cabdiweli Maxamed Cali Gaas, marka uu kasoo noqdo magaalada Baydhabo.
Daawo sawirrada
Puntlandes.com
About The Author
