Sawirro: Madaxweynaha Jubbaland oo Baydhabo lagu Soo dhoweeyey
13 May 2018 (Puntlandes) Madaxweynaha Jubbaland Axmed Maxamed Islaam (Axmed Madoobe) ayaa gaaray magaalada Baydhabo, halkaasoo si weyn loogu soo dhoweeyay.
Axmed Madoobe oo diyaarad qaas ka soo qaaday magaalada Kismaayo ayaa noqday Madaxweynihii u horeeyay oo ka socda dowlad goboleedyada oo ka dega magaalada Baydhabo, iyadoo ay socoto qaban qaabada shirka.
Madaxweynaha Koofur Galbeed Shariif Xasan Sheekh Aadan, xubno ka tirsan maamulkiisa iyo qeybaha kala duwan ee bulshada ayaa Axmed Madoobe ku soo dhoweeyay garoonka diyaaradaha Baydhabo.
Shirkan ayaa ku soo beegmay, iyadoo Madaxweyne Farmaajo uu u dhoofay dalka Qatar, sidoo kale dowladda Federaalka iyo maamul goboleedyada ayaa xilligan ka dhex taagan khilaaf asalkiisa ka bilowday xiisadda Khaliijka iyo sida dowladda Federaalka u takoortay Imaaraadka Carabta oo xiriir dhow la leh dowlad goboleedyada.
Daawo sawirrada
Puntlandes.com
About The Author
