Daawo sawirrada Taliyaha Ciidamada Booliiska Soomaaliya & Ergayga Qaramada Midoobay oo Gaalkacyo gaaray

22 July 2018 (Puntlandes) Taliyaha Ciidamada Booliiska Soomaaliya Bashiir Cabdi Maxamed iyo Ergayga Qaramada Midoobay ee Soomaaliya Michael Keating ayaa maanta gaaray magaalada Gaalkacyo ee xar unta gobolka Mudug.

Waxaa ku soo dhaweeyay Garoonka diyaaradaha, C/llaahi Yuusuf Axmed ee magaalada Gaalkacyo maamulada gobolka Mudug iyo degmada Gaalkacyo ( Puntland iyo Galmudug), Saraakiil Ciidan iyo Booliiska isku dhafka ah.

Jeneraal Bashiir Cabdi Maxamed iyo Ambasadoor Michael Keating ayaa soo dhawayn ka dib booqday Saldhigga Shabeel, iyagoo warbixino ka dhagaystay taliyeyaasha booliiska isku dhafka.

Ugu dambeyntii waxaa ay Hotel Empassy kula kulmeen qaybaha kala duwan ee bulshada iyagoo ku booriyay dadaalka nabadeed iyo is dhex gal ee ay ka wadaan magaalada Gaalkacyo.

Daawo sawirrada Siciid Nadaara