Warbixin: Ra’iisul wasaaraha XFS oo Wasiirro cusub oo hor leh Magacaabay
05 Aug 2018 (Puntlandes) Ra’iisul wasaaraha xukuumadda Faderaalka Soomaaliya Xasan Cali Kheyre ayaa Magacaabay xubno wasiirro ah oo ka mid noqon doona Golaha wasiirrada ee xukuumadda Soomaaliya.
Wasiirka Warfaafinta Soomaaliya Daahir Maxamuud Geelle oo warbaahinta u akhriyay wasiirrada cusub ee uu Ra’iisul wasaaraha Soomaaliya Magacaabay ayaa kala ah sidan:-
C/llaahi Goodax Barre: Wasiirka Wasaaradda waxbarashada iyo Tacliinta sare
Sheekh Nuur Maxamed Xasan: Wasiirka Awqaafta iyo arrimaha Diinta
Xuseen Sheekh Maxamuud Xuseen: Wasiirka xannaanada Xoolaha
C/llaahi Bidhaan Warsame: Wasiirka Kalluumeysiga iyo Kheyraadka Badda
C/qaadir Sheekh Cali Baqdaaddi: Wasiiru Dowlaha Madaxtooyada
Shawaqar Ibraahim Cabdalla: Wasiir ku xigeenka Wasaaradda shaqada iyo shaqaalaha
Wasiirrada cusub ee la Magacaabay ayaa la faray in ay si deg-deg ah ula wareegaan xilkooda, waxana wareegtadani lagu Magacaabay wasiirrada ay kusoo bixi doontaa faafinta rasmiga ah ee Dowladda federaalka Soomaaliya.
Warbixin: Imisaa Wasiirrada RW Kheyre shaqada ka tagay, uu ka qaaday ama la dilay?
Ra’isul wasaaraha Soomaaliya Xasan Cali Kheyre tan iyo markii xukuumadda uu soo magacaabey 21-kii March sanadkii hore, waxaa wasiirradiisa sababo kala duwan uga tagay kalabbar, sidaas ay tahay wasiirrada kuma tagin howl gudasho la’aan, si shaqada loo hagaajiyo ama xataa dadka iyaga ka fiican loo keenno, intooda badan waxaa ay ku baxeen khilaafaad kala dhaxeeya wasriirka 1aad ama bulshada rayidka ah.
Halkan riix si aad u akhrisato warbixinta oo dhamaystiran
Puntlandes.com
About The Author
