Sawirro: Xildhibaan Saleebaan oo booqday degmada Bursaalax

08 Sep 2018 (Puntlandes)Xildhibaan Saleeban Maxamud Xaashi oo ka tirsan Golaha Shacabka ee Baarlamaanka JFS oo Puntland booqasho u kuurgalid ah ku joogay ayaa waxa uu booqday degmada Bursaalax ee gobolka Mudug.

Booqasho indho indhayn iyo u kuurgelid ah ayuu Xildhibaanku ku tagay Xarumaha Mashruuca Horumarinta Bulshada Bursaalax, waxaana ku weheliyey Gudomiyaha Degmada Bursaalax Maxamed Saleebaan Diiriye.

Agaasimaha Mashruuca Mudane Maxamed Cabdul Mursal ayaa wafdiga kusoo dhaweeyey xafiiska guud ee BCDO , sidoo kale geeyey qaybaha kala duwan ee BCDO.

Xildhibanka ayaa bogaadiyey horumarka ka socda BCDO wuxuuna aad ugu hambalyey Kaalinta muqata ee Dugsiga Sare Bursaalax ka galay Waxbarashada Shahaadiga Ee Puntland.

Xildhibaanka ayaa sido kale la kulmay dugsiga Farsamada Gacanta oo shaqaynaya una mahadceliyey Hay adii dhistay isla markaana qalabaysay ee RHOA USA.

Ceelasha Biyaha oo ah halbowlaha mashruuca shaqeeyana 24/7 ayaa kamid ahayd goobihi uu booqday Xildhibaan Sulaiman.

Ugu dambaynti Isbitaalka ayuu kuso gaba gabeeyey booqashadiisi waa marki ugu horeysey ee Xildhibaan Heer Federaal ahi Soo booqdo Xarunta BCDO.

Daawo sawirrada