Waa kuma Taliyaha cusub ee Ciidanka Daraawiishta Puntland?
28 okt 2018 (puntlandes) Madaxweynaha Dowaldda Puntland Dr. Cabdiweli Maxamed Cali Gaas ayaa maanta oo taariikhdu tahay 28 October 2018 u magcaabay S/Guuto Cabdishukri Cabdullaahi Xuseen Taliayaha Ciidanka Daraawiishta Dowladda Puntland.
Hadaba Warbaahinta Puntlandes ayaa akhristayaasheeda usoo gudbinaysa aqoonta durugsan ee uu Taliyaha cusubi u leeyahay arimaha Ciidamada iyo xilalkii hore ee uu soo qabtay.
- Taliye Cabdishukri wuxuu aaday 1980kii Jamhadii hubaysnayd ee Kulmis, isagoo ahaa arday markaa dhameeyey Dugsiga Sare.
- Cabdishukri wuxuu ka shaqo bilaabay qaybta Isgaarsiinya ee Jamhadaas.
- Cabdishukri wuxuu 1983dii dalka Liibiya u aaday Waxabarasho Jaamacadeed isagoo kasoo bartay, Kuliyadda dagaalka, dagaalgelinta kana qalin jabin 1dii sept 1985dii.
- Cabdishukri wuxuu 1985-1986dii qaatay Kooras taliye urur iyo la dagaalka Argagixisada (Anti terrorism).
- Cabdishukri wuxuu 1986dii qaatay Kooras Sahan ee Taliye urur.
- Cabdishukri wuxuu Soomaaliya kusoo noqday 1986dii, isagoo Iskool boosiya ku qaatay sharciga Booliiska.
- Cabdishukri 1987 waxaa loo wareejiyey qaybtii 26aad ee Ciidanka Xooga Dalka Soomaaliya.
- Cabdishukri 1989dii Darajada Militariga wuxuu ka gaaray ka gaaray Gaashaanle.
- Cabdishukri wuxuu noqday Taliyihii Ciidanka ilaalada AUN C/laahi Yuusuf.
- Cabdishukri wuxuu noqday 1994-1995 Taliyihii Dekedda Bosaso ee ilaalada Canshuuraha & Amniga.
- Cabdishukri wuxuu 1998 u dalacay darajada G/dhexe,
- Cabdishukri wuxuu noqday Ganacsade sanadihii 1999-2004
- Cabdishukri 2004-2005 wuxuu noqday Taliyaha Ciidan booliska Gobolka Bari, isagoona u dalacay G/sare.
- Cabdishukri wuxuu noqday 2006-2007dii kuxigeenka hogaanka ilaalinta canshuuraha Puntland.
- Cabdishukri wuxuu noqday 2007dii kuxiigeen hogaanka tababarka iyo kormeerka ee Booliska Puntland.
- Cabdishukri wuxuu noqday 2008-2015 Ganaacsade
- Cabdishukri 2015kii waxaaa loo magacaabay si meel gaar ah Taliyaha Hawlgelinta Ciidanka Daaraawiishta ee ka gobolka Mudug.
- Cabdishukri wuxuu ku noday 2016-2018 Ganacsade, isagoo ku sugnaa dalka Shiinaha.
Maanta wuxuu madaxweynaha dawladda Puntland u magaabay Taliyaha Ciidanka Daraawiishta Dowladda Puntland, isagoona u dalacsiiyey darajada Sareeyo Guuto.
Taliye Cabdishukri waa shaqsi lagu yaqaan, karti,hufnaan, aqoon ciidan iyo daacadnimo, waxaana hubaal ah, in ciidanka daaraawisihta dawladda Puntland nasiib u yeesheen sarkaalkii ay ku taami jireen.
Waxaa laga filayaa taliyaha cusub, waxka qabashada, shaqooyin badan oo horyaal, ku waas oo ay kamid tahay tayeynta ciidamada daaraawishta, sida tabaradooda, agabayntooda iyo hubinta xaquuqahooda asaasiga ah.
Ugu dambayntii, maamulka warbaahinta Puntlandes.com hambalyo& bogaadin hawada u soo marineysaa Taliyaha Cusub, ee Ciidanka daraawiishta dawladda Puntland, S/Guuto Cabdishukri Cabdullaahi Xuseen.
Puntlandes.com
About The Author
