Somaliland & Puntland oo maxaabiis dagaal isweydaarsaday

03 June 2019 (Puntlandes) Somaliland iyo Puntland ayaa is dhaafsaday maanta maxaabiis gaareysa 17 dagaal oo ay ku kala qabsadeen dagaaladii dhowaan ka dhacay Tukaraq.

Hay’adda Laanqeyrta Cas (ICRC) ayaa magaalooyinka Garowe iyo Hargeysa u kala gudbiyay maxaabiis dagaal oo Puntland iyo Somaliland ku kala qabsadeen dagaalladii Tukaraq.

ICRC ayaa duhurnimadii maanta Garowe ka soo dejisay 14 maxbuus oo Puntland looga qabtay dagaalladii Tukaraq waxaana ay magaalada Hargeysa u qaadday 3 maxbuus oo kamid ahaa maxaabiistii Somaliland looga qabtay Tukaraq.

Puntland ayaa dagaalladii Tukaraq ku qabatay 19 askari oo ka tirsanaa ciidamada Somaliland balse 16 kamid ah oo u dhashay gobollada Sool, Sanaag Cayn ay sii daysay.

Somaliland ayaa dagaalladii Tukaraq ku qabatay 14 maxbuus oo dhammaantood dib loogu soo celiyay Garoowe,hase yeeshee Maamulka Somaliland ayaa dhowaan sheegay inay cafiyeen maxaabiista lagu qabtay dagaalka.

Puntlandes.com