Akhriso jadwalka doorashada madaxtinimada Jubaland oo la shaaciyey
04 July 2019 (Puntlandes) Guddiga Madaxa-bannaan ee Xuduudaha iyo doorashooyinka dowlad goboleedka Jubaland ayaa maanta shaaciyay jadwalka guud ee doorashada madaxtinimada Jubaland oo dhacaysa bisha Agoosto ee sannadkan.
Guddiga ayaa sheegay in 16-ka bishan July ilaa 6-da bisha Agoosto ay socon doonto soo xulista xildhibaannada Baarlamanka Jubaland, iyadoo ay dhacayso shaacinta xildhibaanada cusub iyo dhaarintoodu 7da ilaa 13ka agoosto.
Diiwaangelinta musharrixiinta u tartamaysa madaxweynaha Jubaland ayaa jadwalkeedu yahay 16-ka ilaa 22 bisha July, taas oo ka horaysa wax badan marka la shaacinayo Xildhibaanada cusub.
Diiwangelinta musharrixiinta guddoonka Baarlamanka ayaa iyana socon doonta 14ka ilaa 15ka bisha Agoosto waxaan doorashada guddoonka Baarlamanku dhacaysa 18-ka bisha Agoosto ee soo socota sida ku xusan jadwalka.
Guddiga ayaa mudda 15 cisho ah dib u dhigay doorashada madaxtinimada Jubaland oo dhici lahayd 15-ka Agoosto waxaana sida jadwalka ku cad ay doorashada madaxtinimada Jubaland dhici doontaa 30-ka bisha Agoosto ee socota.
Puntlandes.com
About The Author
