Meydka Cabdiraxmaan Yariisow oo Muqdisho lagu aasay
04 August 2019 (Puntlandes) Meydka Guddoomiyihii hore ee Gobolka Banaadir AUN Eng Cabdiraxmaan Cumar Cismaan (Yariisow) oo dalka Qatar ugu geeriyooday dhaawac ka soo gaaray qarax ka dhacay Xarunta Gobolka Banaadir ayaa lagu aasay magaalada Muqdisho.
Meydka Marxuum Yariisow oo lagu aasay qabuuro ku yaal dugsiga tababarka booliska ee General Kaahiye ayaa waxaa salaada janaasada lagula tukaday barxad ku taalla garoonka diyaaradaha Aadan Cadde ee magaalada Muqdisho.
Aaska Marxuum Yariisow ayaa waxaa ka qeybgalay mas’uuliyiinta ugu sareysa dalka oo ay kamid ahaayeen Madaxweyne Farmaajo,ra’iisul wasaare Kheyre, Guddoomiyaha golaha shacabka Mursal,guddoomiyaha aqalka sare Xaashi,ra’iisul wasaare ku xigeen Mahdi,wasiiro,xildhibaano,madaxda maamul goboleedyada qaarkood iyo wakiilo ka socday,safiiro iyo dadweyne faro badan.
Puntlandes.com
About The Author
