Baarlamaanka Is bedel doonka ee Jubbaland oo C/rashiid Xidig u doortay Madaxweyne
22 August 2019 (Puntlandes) Baarlamaanka ay soo dhiseen Golaha Is bedel doonka Jubbaland ayaa C/rashiid Maxamed Xidig ku doortay guri ku yaalla magaalada Kismayo, iyadoo doorashadan ay tahay tii la filayay ee ay iclaamiyeen inay qabanayaan Musharaxiinta mucaaradka.
Doorashada ayaa ka dhigan in Jubaland ay yeelatay Labo madaxweyne, iyadoo dhinaca kale Axmed Madoobe loo doortay Madaxweynaha Jubaland.
C/rashiid Maxamed Xidig waa Xildhibaan ka tirsan golaha Shacabka ee Baarlamaanka Federaalka Soomaaliya, isagoo ka mid ahaa Musharaxiintii sida weyn uga soo horjeeday Axmed madoobe ee qaadacay Guddiga doorashada Jubaland.
Puntlandes.com
About The Author
