Akhriso Sharciga Doorashooyinka xildhibaanada loo qaybshay, sidee ku imaanayaa Raiisul wasaaruhu?
25 Dec 2019 (Puntlandes) Xildhibaannada Golaha Shacabka ee Baarlamaanka Federaalka ayaa maanta loo qeybiyay sharciga doorashooyinka qaranka ee heer Federaal, kaasoo muddooyinkii u dambeeyay ay dood kulul ka lahaayeen Xildhibaanada.
Qodobka 11aad ee Sharciga Doorashooyinka ayaa dhigaya in Madaxweynaha ay wadajir u dooranayaan Xildhibaanada labada aqal ee Baarlamaanka Federaalka, iyadoo loo raacayo qodobka 89aad ee dastuurka, iyadoo nidaamka xukunka dowladda uu yahay mid Baarlamaani ah.
Arrinta ku cusub sharcigan ayaa ah in Madaxweynaha uu xilka Ra’iisul Wasaaraha Xukuumadda ka soo magacaabayo Xisbiga ama Isbaheysiga doorashada ku guuleysta kuraasta ugu badan Aqlabiyadda Baarlamaanka ( 50%+1), taasoo macnaheedu tahay in Madaxweynaha aanu laheyn doorasho uu iskiis ku soo xusho Ra’iisul Wasaare.
Qodobkan ayaa ka dhigan inuu Ra’iisul Wasaaruhu ka imaanayo Xisbigii ama Isbaheysigii hela kuraasta ugu badan ee Aqlabiyadda Baarlamaanka, iyadoo uusan madaxweynuhu wax saamayn ah ku lahayn.
Hoos ka akhriso Sharciga Doorashooyinka Qaranka ee Heer Federaal oo dhameystiran
Sharciga Doorashooyinka Qaranka ee Heer Federaal
Puntlandes.com
About The Author
