Caarre oo heshiis la galay xukuumadda Muuse Biixi

02 Jan 2020 (Puntlandes) War ay baahiyeen warfidiyeenada Somaliland ayaa lagu sheegay in Col. Saciid Jaamac Caarre iyo xukumadda Somaliland ay wada sixiixdeen heshiis nabadeed, kadib wadahadallo muddo badan qaatay.

Wararku waxay sheegayaan in Caarre uu aqbalay in jabhaddiisa laga soo saaro buuraha, sidoo kalena uu nabadda qaato.

Wararka ayaa sheegaya in waxgaradka beeshiisa iyo sidoo kale xukuumadda Muuse Biixi ayaa ka dalbaday Caarre in uu ciidankiisa kusoo daro kuwa Somaliland, isna la siiyo lacag dhan 300 Kun oo doolar, dalka dibaddiisana uu aado.

Caarre ayaa intaasba aqbalay, waxaana la filayaa in saacadaha soo aaddan ciidankiisa ay dhanka Xukuumadda Biixi ku biiraan.

Jabhadda Col. Caarre ayaa saldhigyo waaweyn ku lahayd deegaanno ka mid ah Somaliland, waxaana dagaallo culus ay ka galeen deegaanno dhowr ah oo hoosta maamulka Biixi.

Puntlandes.com