Maxamed Nuur Gacal oo ku guuleystay xilka Guddoomiyaha Baarlamaanka Galmudug

17 Jan 2020 (Puntlandes) Dr. Maxamed Nuur Gacal ayaa ku guulaystay xilka Guddoomiyaha Baarlamaanka Galmudug, kaddib doorasho goor dhow ku soo gabagabowday magaalada Dhuusamareeb.

Dr. Gacal oo ahaa Musharaxii ay taageersaneyd Xukuumadda Ra’iisul Wasaare Kheyre ayaa ku adkaaday si aqlabiyad ah, gaar ahaan sadex meel labo meel, sidaasna wareeggii koowaad ku soo dhamaaday.

Intii ay socotay codeynta ayaa markii uu Musharax Dr, Gacal uu gaaray codka hal dheeriga ana 46 cod, ayaa waxaa sawaxan is qabsaday hoolka ay ka socotay doorashada, taasoo muuqatay intii codeynta socotay inuu helay tiradii guusha.

Doorashadan oo aheyd mid xiiso gaar ah laheyd, ayaa hadana waxaa loolanka ahaa mid aan ka marneyn habka awood qeybsiga, sida Kursiga Guddoomiyaha Baarlamaanka cida qaadan doonta.

Guddiga Doorashada ayaa ku dhawaaqay natiijada, waxaana Dr. Maxamed Nuur Gacal uu helay codod dhan 54 cod, halka Musharaxii ku xigay C/naasir Aadan Cusmaan uu helay 34 cod, waxaa xumaatay hal cod.

Puntlandes.com