Ciidamada XD oo la wareegay Janaale
16 Marso 2020 (Puntlandes) Taliyaha ciidanka dhulka Xoogga Dalka Soomaaliyeed Sareeyo Guuto Cabdixamiid Maxamed Dirir ayaa shaaca ka qaaday in ciidamada xoogga dalka ay si rasmi ah ula wareegeen magaalada Janaale ee gobolka Shabeelaha Hoose, halkasai oo ay kala wareegeen maleeshiyaadka Alshabaab.
Sareeyo Guuto Cabdixamiid Maxamed Dirir oo la hadlay warbaahinta Qaranka ayaa sheegay in ciidanka ay si buuxdo gacanta ugu dhigeen Janaale, isagoo intaa ku daray in ciidamada ammaanka ay wadaan baaritaano dheeraad ah.
Taliyaha ayaa ugu baaqay shacabka ku nool Janaale inay xoojiyaan la shaqeynta ciidanka amniga.
Puntlandes.com
About The Author
