Sawirro: Qaybtii 3aad oo ka mid ah ciidamada Puntland oo dugsigga xorgoble tababar looga furay

25 june 2020 (Puntlandes) Waxaa galabta si rasmi ah loo daahfuray tababar ay galayaan qaybtii 3aad oo ka mid ah ciidamada Puntland, si gaar ah waxaa maanta dugsigga xorgoble loogu xeerayay ciidamada Birmadka Puntland.

Qorshahaan ayaa qayb ka ah barnaamijka dib u habaynta ciidamada difaaca Puntland. Kaas oo mudooyinkii danbe ay ku mashquulsanayaan xubno ka tirsan golaha xukuumada iyo saraakiisha ciidamada difaaca Puntland.

Wasiirka Amniga Puntland Cabdisamed Gallan, Taliyaha guud ee Ciidamada Difaaca Puntland S/Gaas Yaasiin cumar dheere Taliyaha Ciidamada Booliska S/Guuto Cabdiyare, Taliska Ciidanka Madaxtooyada Qardho, Taliska dugsigga Xorgoble, saraakiisha ciidamada Birmadka Puntland ayaa ka qayb-galay furitaanka tababarka.