Sawiro: Ra’iisul Wasaare Khayre oo gaaray Dhuusamareeb
14 July 2020 (Puntlandes) Ra’iisul Wasaaraha Soomaaliya Xasan Cali Khayre ayaa gaaray Magaalada Dhuusamareeb, iyadoo si wadajir ah ay garoonka diyaaradaha ugu soo dhoweeyeen Madaxweynaha Galmudug Axmed Qoorqoor, Madaxweynaha Jubbaland Axmed Madoobe, Madaxweynaha Koofur Galbeed C/casiis Lafta Gareen iyo Madaxweynaha Hirshabeelle Maxamed Cabdi Waare.
Ra’iisul Wasaare Khayre ayaa lagu wadaa inuu kulamo la yeesho madaxda dowlad goboleedyada dalka oo uu shir ugu soo gabagaboobay magaalada Dhuusamareeb.
Ammaanka magaalada Dhuusamareeb ayaa si aad ah loo adkeeyay waana markii ugu horeysay ee uu ra’iisul wasaare Khayre tago magaalada Dhuusamareeb tan iyo markii loo doortay madaxweynaha Galmudug Axmed Qoorqoor.
Puntlandes.com
About The Author
