Madaxda Dowlad goboleedyada oo u ambabaxay magaalada Garowe

15 July 2020 (Puntlandes) Madaxweynayaasha Dowlad Goboleedyada Galmudug, Jubbaland, Koofur Galbeed iyo Hirshabeelle ayaa u ambabaxay magaalada Garowe, halkaasoo ay uga qeyb galayaan aaska Madaxweynihii hore ee Puntland AUN Maxamed Cabdi Xaashi oo maanta la aasayo

Madaxweyne hore ee Puntlnad ayaa meydkiisa laga soo qaaday magaalada Nairobi oo uu dhowaan ku geeriyooday waxaana aaskiisa ka qeybgalaya madax badan oo isugu jira heer federal iyo heer maamul goboleed.

Sidoo kale Ra’iisul Wasaare Xasan Cali Kheyre ayaa isna la filayaa inuu berri aado magaalada Garowe, si uu uga qeyb galo Aaska AUN Ra’iisul Wasaarihii hore ee Soomaaliya Xasan Abshir Faarax.

Ra’iisul Wasaarihii hore ee Soomaaliya Xasan Abshir Faarax ayaa ku geeriyooday magaalada Ankara ee dalka Turkiga.

Puntlandes.com