Sawirro: Maydka Ra’iisul Wasaarihii hore ee Soomaaliya Marxuum Xasan Abshir Faarax oo Garowe la keenay

Garoowe: Luulyo, 16, 2020: Madaxweynaha Dowladda Puntland Mudane Siciid Cabdullaahi Deni ayaa hadda ku sugan Garoonka diyaaradaha Garoowe, halkaasi oo hadda laga soo dejiyey Alle ha u naxariistee maydka Ra’iisul Wasaarihii hore ee Soomaaliya Marxuum Xasan Abshir Faarax.

Waxaa goobjoog ahaa Ra’iisul Wasaaraha DFS Mudane Xasan Cali Khayre, Guddomiyaha Aqalka Sare ee Baarlamaanka DFS Cabdi Xaashi, Madaxweynaha Jubbaland Mudane Axmed Maxamed Islaan, Madaxweynaha Koonfur Galbeed Mudane Cabdicasiis Xasan Maxamed Lafta-gareen, Madaxweynaha Galmudug Mudane Axmed Cabdi Kaariye Qoor-qoor, Madaxweynaha Hirshabeelle Mudane Maxamed Cabdi Waare, Guddoomiyaha Golaha Wakiillada Puntland Mudane Cabdirashiid Yuusuf Jibriil iyo Ku-xigeenadiisa, masuuliyiin ka tirsan Goleyaasha DFS iyo kuwa Dowladdaha Xubnaha ka ah DFS, isimo, culimo, siyaasiyiin iyo masuuliyiin kale,